Tisimu 106:23 - Tshwa Bible

²³ Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Tisimu 106:23 Mawu Ofanana

Joba 35:8

A kubiha ka wena ku nga onha a munhu wa ku fana na wena, Ni kululama ka wena ku nga vuna a nʼwana wa munhu ntsena.

Tisimu 105:26

I lo ruma Mosi, a nanza gakwe, Na Aroni loyi a nga mu hlawulile. Ekso. 3:10

Tisimu 105:6

Nwina lixaka la Abrahama, a nanza gakwe, Nwina vana Va Jakobe, vahlawulilweko vakwe.

Eksodusi 32:32

Kanilezi makunu tsetselela kuonha kabye! Loku zi nge ngaho, vinya a vito ga mina legi u gi tsalileko lomu bhukwini ga wena. Tis. 69:28; Rom. 9:3

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Ezekieli 13:5

A mu yangi laha a ligingisi li nga bhoxiwa kona, a mu bhiyelangi a yindlu ya ka Israeli hi lihlavu kasi ya tiya kulweni hi siku ga Jehova.

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Ezekieli 22:30

Nzi lavile a munhu xikari kabye loyi a ta nga bhiya lihlavu, a yima laha vangeni mahlweni ka mina a lwela tiko, lezaku nzi nga gi lovisi, kanilezi a nzi mu kumangi.

Mitsengo 16:5

aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.

Mateu 12:18

Hi gona a nanza ga mina legi nzi gi hlawulileko; Xiranzwa xa mina lexi muhefemulo wa mina wu xaleleko khwatsi ha xona. Nzi ta veka Moya wa mina hehla kakwe, i taba hungu hi kulamula a ka vamatiko.

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Johani 15:19

Loku mu wa hi va tiko, a tiko ngha gi ranzile a za gona; kanilezi lezi mu nga hiko va tiko, kanilezi mu hlawulilwe hi mina, nzi mu susa tikweni, hikwalaho a tiko ga mu venga. Xip. 17:14; 1 Joh. 4:5

Deuteronome 10:10

Mina nzi lo tshama xitsungeni 40 wa masiku ni 40 wa wusiku, khwatsi hi kusanguleni. Na Jehova i lo nzi ingisa kambe ka lexo xikhati; Jehova a nga mu lovisangi.

Deuteronome 9:19

Hakuva nzi wa chava nguvu hi zanga ya Jehova yo tshisa, leyi a nga zangarile ha nwina yo xuva ku mu lovisa. Kanilezi Jehova i lo nzi ingisa ni ka lexo xikhati.

Deuteronome 9:25

Hikwalaho nzi lo khizama mahlweni ka Jehova, 40 wa masiku ni 40 wa wusiku nzi lo korama lahasi, hakuva Jehova i wa wulile lezaku i ta mu lovisa.

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12