Tisimu 105:15 - Tshwa Bible

¹⁵ Aku: Mu nga khumbeni vatotilweko va mina, Mu nga lamati vaprofeti va mina.

Tisimu 105:15 Mawu Ofanana

Genesisi 20:7

Hikwalaho tlhelisa a sati wa vambe, hakuva a nuna wakwe muprofeti, i ta ku kombelela u hanya, kanilezi loku u nga mu tlhelisi, zi tive lezaku wena u tafa futsi ni zontlhe lezi zi nga za wena.

Genesisi 26:11

Abimeleki i lo leletela vanhu vakwe, aku: Loye a khomako hi kubiha loyi munhu ni sati wakwe i ta dawa futsi,

2 Samueli 1:14

Davida i te ngalo kakwe: Hi kuyini u nga kala ku chava ku tlakusa a canja ga wena u lovisa a totilweko wa Jehova?

1 Tihosi 13:4

Laha hosi Jeroboamu a nga wa zwile a gezu ga munhu wa Nungungulu na giba huwa mahlweni ka alati ga le Beteli, yena i lo nawuluta a canja gakwe na a hi laha alatini, aku: Mu khomeni! A canja gakwe legi a nga wa gi nawulutile gi su kokotsolo, a nga ha zi koti ku gi tlhelisa wutshanwini ga gona.

1 Tihosi 19:16

u ta ya tota na Jehu nʼwana Nimxi a kuva hosi ya ka Israeli. U ta ya tota na Elixa nʼwana Xafate wa le Abela-Mehola, a tava muprofeti wutshanwini ga wena.

Estere 6:13

I lo hlawutela zontlhe lezi zi nga maheka kakwe, a byela sati wakwe Zerexi ni vanghana vakwe vontlhe. A titlhari takwe ni sati wakwe Zerexi vaku kakwe: Loku Mordekai, loyi u sanguleko makunu kuwa mahlweni kakwe, a hi wa lixaka la vaJuda, hizinene u nga ta humelela naye, zi tiyile lezaku u tawa mahlweni kakwe.

Jeremia 36:26

Zonake a hosi yi lo laya lezaku Baruke, a mutsali, na Jeremia muprofeti, va khonwa hi Jerahmeeli a nʼwana wa hosi, na Seraia nʼwana Azrieli, na Xelemia nʼwana Abdeeli, kanilezi Jehova i lo va fihla.

Jeremia 39:12

Mu teke, u mu hlayisa, u nga dzuki u mu mahela kubiha; kanilezi maha kakwe lezo a to ku byela.

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10