Tisimu 101:2 - Tshwa Bible

² Nzi ta lonzowota a ndlela yi mbheleleko. Hi rini u ta ngata ka mina ke? Nzi tava ni mahanyela ma nene lomu ndlwini ya mina.

Tisimu 101:2 Mawu Ofanana

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

2 Samueli 8:15

Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.

1 Tihosi 11:4

Hakuva laha Solomoni a nga wa khosahele, a vasati vakwe va lo hambukisa a mbilu yakwe yi lanzela vanwani vanungungulu; zonake a mbilu yakwe yi wa nga mbhelelangi yontlhe ka Jehova Nungungulu wakwe, kota a mbilu ya raru wakwe Davida.

1 Tihosi 9:4

Makunu loku wena u famba mahlweni ka mina, khwatsi hi raru wa wena Davida, u famba hi nongameto wa mbilu ni kululama, u maha zontlhe lezi nzi nga ku leletela, ni ku hlayisa milayo ni zileletelo za mina,

2 Kronekele 15:17

Kanilezi a matshamu ma tlakukileko a ma susiwangi lomu tikweni ga ka Israeli, hambu lezi a mbilu ya Asa yi wa longamile ka wontihe masiku yakwe.

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Tisimu 101:6

A mahlo ya mina ma cuwuka a vakholekileko lomu tikweni, Lezaku va ta tshama zinwe na mina. Loyi a fambako hi ndlela yi mbheleleko i ta nzi tirela.

Tisimu 119:106

Nzi hlambanyile, nza zi tiyisa Lezaku nzi ta hlayisa a zilayelo za wena zi lulamileko.

Tisimu 119:115

Sukani ka mina, nwina vobiha, A kuva nzi hlayisa a zileletelo za Nungungulu wa mina.

Tisimu 26:11

Kanilezi mina nza famba wuneneni, Nzi tlhatlhise ni ku nzi zwela wuxinji.

Tisimu 40:17

Mina nzi loyi a xanisilweko, nzi muvumali, Kanilezi Jehova wa nzi alakanya; Wena u muvuni wa mina ni mutiruli wa mina, U nga hlweli, O Nungungulu wa mina.

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Isaya 38:3

Jehova nza ku khongotela akuva u alakanya lezaku nzi fambile mahlweni ka wena hi kukholeka ni mbilu yi mbheleleko; nzi mahile lezi za zinene mahlweni ka wena. Hezekia i lo rila a tsikwila.

Deuteronome 6:7

U ta yi gonzisa ka vanana va wena, u wulawula ha yona lomu ndlwini ka wena, ni lomu kuenzeni ka wena, ni kuetleleni ka wena, ni kuvukeni ka wena.

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

1 Samueli 22:14

Ahimeleki a hlamula, aku kakwe: Himani xikari ka wontihe malanza ya wena a tsumbekileko kota Davida mwane wa hosi, yi nga yona a nduna leyi yi ku ingisako lomu makungweni ya wena, ni loyi a dzunzekileko lomu ndlwini ya wena ke?