Tisimu 1:3 - Tshwa Bible

³ I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Tisimu 1:3 Mawu Ofanana

Genesisi 39:23

Ni nduna ya paxo yi wa nga ha cuwuki nchumu xa lezi zi nga wa hi canjeni ga Josefa, hakuva Jehova i wa hi zinwe naye; ni zontlhe lezi a nga wa zi maha, Jehova i wo zi katekisa.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

2 Tihosi 18:7

Jehova i wa hi zinwe naye. I lo humelela mitirweni yakwe yontlhe. I lo hluwuka a hosi ya Asiria, a nga ha yi tireli. Jox. 1:7; 1 Sam. 18:14

1 Kronekele 22:11

Makunu, nwananga, ngha Jehova ava zinwe na wena, u vuvuma, u aka a yindlu ya Jehova Nungungulu wa wena, khwatsi hi lezi yena a wulileko xungetano ha wena.

1 Kronekele 22:13

Zonake wena u ta vuvuma, loku u lonzowota ni ku hlayisa a milayo ni zileletelo za Jehova lezi a nga leletela va ka Israeli hi nomu wa Mosi. Tiya hlana, u ngave na hlenekera! U nga chavi, u mbhela ntamu! Deut. 31:7; Jox. 1:7

2 Kronekele 31:21

Ni wihi ntiro a nga wu sangula wa yindlu ya Nungungulu, a wa nayo, ni wa zileletelo, kasi ku hlota Nungungulu wakwe, i lo ti tsitsirita hi mbilu yakwe yontlhe; hikwalaho i lo vuvuma.

2 Kronekele 32:23

A vanhu vanyingi va lo neha mihlengo ka Jehova le Jerusalema, ni zilo za malongo ka Hezekia a hosi ya ka Juda; i lova loyi a tlakukileko ka wontihe matiko kusukela lezo.

Joba 14:9

Kanilezi loku yizwa mati yi ta vuka, Yi phaka tiravi khwatsi i sinya yiswa.

Joba 22:28

Loku u ranza a ku maha nchumu u ta humelela ha wona, Ni kuwonekela ku ta woninga tindleleni ta wena.

Tisimu 128:2

Hakuva u taga mihanzu ya ntiro wa mandla ya wena, U katekile, u humelela.

Tisimu 129:8

A vahunzi va ndlela a va wuli, vaku: A makatekwa ya Jehova a mave hehla ka nwina! Ha mu katekisa vitweni ga Jehova! Rute 2:4

Tisimu 92:14

Va ta pswala mihanzu ni lomu wukhosaneni gabye, Va ta tala ni nhome va maha vaswa;

Tisimu 92:15

Kasi ku kombisa lezaku Jehova i lulamile, Hi yena ribye ga mina, cima a nga na kubiha. Deut. 32:4; Zef. 3:5

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Isaya 44:4

Ma ta mila xikari ka byanyi Kukotisa ziphutsu wukhulungelweni ga mati.

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Jeremia 17:8

Hakuva i ta fanana ni sinya yi byelweko kusuhi ni mati, Leyi a mitsu ya yona yi navako kala matini, Hambu kuva ni mumu a yi chavi, Kanilezi a matluka ya yona ma simama ma nyuka; A yi karateki hi lembe go kala vula, Hambu ku tsika ku phandlula mihanzu.

Ezekieli 17:8

Wu wa byalilwe saveni go nona kusuhani ni mati, kasi wa chela tiravi wu pswala mihanzu, wuva vina wu nene.

Ezekieli 19:10

A mamani wa wena i wa fanana na wena, kukotisa a vina wu byalilweko kusuhi ni mati, Wu pswala nguvu, wu chela tiravi to tala hi kota ya kutala ka mati.

Ezekieli 31:5

Hikwalaho yi wa hi sinya yi nga lehile ku hunza tontlhe tisinya ta khwati, Ni maravi ya yona ma wa anzile ma leha hi kota ya kutala ka mati.

Ezekieli 47:12

Laha mbhirini ya congo ya tlhelo ga seno ni ga seniya, ku ta mila a tisinya ta mihanzu, leti a matluka ya tona ma to kala ma nga wuni, ni mihanzu ya kona yi to kala yi nga mbheli. Ti ta pswala mihanzu hweti ni hweti, hakuva a mati ya kona ma humela ndlwini yi basileko. A mihanzu ya kona njo giwa, a matluka ya kona njo chuma ha wona. Kuv. 22:2

Mitsengo 24:6

Gi nava kule khwatsi minzhelelo, Khwatsi hi zizunze mbhirini ya congo, Kukotisa a mhangani wu byalilweko hi Jehova, Khwatsi hi tisinya ta sedari ti nga kusuhani ni mati.

Mateu 13:6

Laha na gi tsuwukile gambo, ti lo tlahuka, ti wuna, hakuva ti wa nga hi na mitsu.

Mateu 21:19

Laha ha a wona a sinya ya nkuwu hi le tlhelweni ga ndlela, i loya ka wona, kanilezi a nga kumangi nchumu ka wona, sine matluka ntsena. Aku ka wona: Kusukela lezi ngha u nga ha pswali mihanzu kala kupinzuka. Zalezo a sinya ya nkuwu yi lo woma.

Mateu 21:34

Laha a nguva ya mihanzu yi nga tshinela, i lo ruma malanza yakwe ka varimi, kasi ku ya amukela mihanzu yakwe.

Mateu 21:41

Va lo mu hlamula, vaku: I ta va lovisa vaku bhi a vanhu lava va kubiha; zonake i ta nyikela xivina ka vanwani varimi, lava va ta nga mu nyika a mihanzu hi tinguva ta yona. Lu. 21:24; Miti. 13:46

Johani 15:6

Loku munhu a nga tshami ka mina, wa cukunyetiwa handle khwatsi hi ravi, a wuna; va wungeletela a maravi ya kunghaho, va ma hoxa nzilweni, mahiswa. Mat. 3:10; 7:19

Deuteronome 28:8

Jehova i ta leletela a zikatekiso a kuva lomu ka zigurumbu za wena, ni ka yontlhe mitiro ya mandla ya wena, ni ku ku katekisa lomu ka tiko legi Jehova Nungungulu wa wena a ku nyikako gona.

Juda 1:12

Lava hi vona va nga makhwanga mibuzweni ya nwina ya liranzo, laha va gako zinwe na nwina a va chavi ku lonzola. Va hi marefu ma nga hiko na mati, ma kukuletwako hi timheho; va fanana ni tisinya a xikhatini xa wuxika ti nga hiko na mihanzu, ti womileko kumbiri, ti tsuwulwa ni mitsu; Mav. 25:14; 1 Kor. 11:21; 2 Ped. 2:13

Kuvululelwa 22:2

wu khulunga xikari ka maphango ya muti. Seno ni seno ka congo ku wa hi ni sinya ya wutomi, leyi yi pswalako mihanzu ya khume ni yimbiri, a ku kheta hi tihweti; ni matluka ya sinya ma wa tira ku holisa matiko. Gen. 2:9; Ezek. 47:12; Xip. 2:7