Rute 4:4 - Tshwa Bible

⁴ Hikwalaho mina nzi wonile lezaku nzi fanele ku tivisa wena aku u xi tirula mahlweni ka vontlhe lava va tshamileko laha, ni mahlweni ka masingalakati ya tiko ga hina. Loku u ranza ku xi xava, xi xave! Kanilezi loku u nga ranzi ku xi tirula, nzi byele kasi nza fela ku zi tiva, hakuva a nga kona munwani a nga ni fanelo ku xi teka ahandle ka wena. Mina nzi wa lenzhako. Yena aku: Nzi ta xi tirula. Deut. 25:5

Rute 4:4 Mawu Ofanana

Genesisi 23:11

Ahihi, hosi yanga, nzizwe; nza ku nyika simu lego, ni mhako yi nga ka gona, nza yi nyika ka wena; nza ku nyika mahlweni ka vanhu va ka hina: kelela mufi wa wena.

Genesisi 23:18

Zi lo maha za Abrahama a mahlweni ka vanana va Heti, ni mahlweni ka vontlhelele lava va enghenako nyangweni ya muti wakwe.

Jeremia 32:25

Hosi Nungungulu, hambu zi hi tano, u wa te ngalo ka mina: Ti xavele a simu legi, u va ni timboni, kasi lezo a muti wu nyikilwe mandleni ya maKaldea.

Va le Roma 12:17

Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.

2 Va le Korinte 8:21

Hakuva hi chela kota hi zilo zi nene, na ku nga hi mahlweni ka Hosi ntsena, kanilezi ni mahlweni ka vanhu. Rom. 12:17; Fil. 4:8; 1 Ped. 2:12

Deuteronome 25:8

Zonake a masingalakati ya muti wabye ma ta vitana loye wanuna va wulawula naye, ni loku a simama aku: A nzi lavi ku mu hlambela,

Va le Filipi 4:8

Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.

Rute 2:20

Naomi aku ka katamwane wakwe: A katekiswe hi Jehova, hakuva i mahile wuxinji ka vahanyako ni ka vafileko. Naomi a engeta aku: A munhu loyi i xaka ga hina; munwe wa maxaka ya hina ya zinene.

Rute 3:12

Hakunene nzi xaka ga nwina, kanilezi i kona a nga xaka ga nwina ga kusuhani nguvu ku hunza mina.

Rute 3:9

Aku kakwe: Hi wena mani? Yena a hlamula, aku: Hi mina nanza ga wena Rute. Fenengeta a nanza ga wena hi nguwo ya wena, hakuva wena u xaka gi faneleko ku tirula a tshomba ya hina.