Rute 2:12 - Tshwa Bible

¹² Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37

Rute 2:12 Mawu Ofanana

Tisimu 17:8

Nzi hlayise ku khwatsi i nzololoya tihlo, U nzi fihla nzhutini wa tipapa ta wena,

Tisimu 19:11

A nanza ga wena ga lulekwa ha zona; Loyi a zi hlayisako i na ni nchachazelo wa hombe. Levi 18:5; Joh. 14:21, 23; 1 Tim. 4:8

Tisimu 36:7

Gi ranzekisa kuyini a wuxinji ga wena, O Nungungulu! A vana va vanhu va chavela lahasi ka tipapa ta wena.

Tisimu 57:1

Nzi zwele wuxinji, Nungungulu, nzi zwele wuxinji, Hakuva a muhefemulo wa mina wu chavela ka wena; Ina, nzi ta chavela nzhutini wa tipapa ta wena, Kala ma hunza makhombo laya.

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Tisimu 61:4

Nzi ta tshama tendeni ga wena kala kupinzuka; Nzi ta chavela kufihlaleni ka tipapa ta wena. (Sela.) 2 Sam. 7:11

Tisimu 63:7

Hakuva wena u muvuneteli wa mina, Nzi tsaka lomu nzhutini wa tipapa ta wena.

Tisimu 91:4

I ta ku fenengeta hi tisiva takwe, U kuma wuponelo lahasi ka tipapa takwe; A kutsumbeka kakwe xitlhangu ni ngenge. Mat. 23:37

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Mavingu 23:18

Lezo u tava ni masiku ma ha tako, i kutsumba ka wena cima ku nga tava ka mahala.

Jeremia 31:16

Kanilezi Jehova aku: U nga ha rili, A mahlo ya wena ma nga halati mihloti; Hakuva mitiro ya wena yi ta hakheliwa, ku wula Jehova; Va ta wuya hi le tikweni ga valala.

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Mateu 5:12

Tsakani, mu nengela nguvu, hakuva ngwa hombe a nchachazelo wa nwina le tilweni; hakuva va lo xanisisa lezo a vaprofeti lava va mu rangeleko. Neh. 9:26; Miti. 5:41; 1 Ped. 4:13

Mateu 6:1

Ti woneleni lezaku mu nga mahi a kululama ka nwina mahlweni ka vanhu, kasi ma wonwa hi vona; loku zi nge nghaho a mu na nchachazelo ka Raru wa nwina wa le tilweni.

Luka 6:35

Kanilezi ranzani valala va nwina, mu va mahela kusaseka, ni ku va pemba na mu nga tsumbi ku tlheliselwa; zonake a nchachazelo wa nwina wu ta maha wa hombe, mu ta maha vana va Loyi a nga Hehla-hehla; hakuva yena i na ni tipswalo ka lava va nga bongiko ni ka lava va bihileko. Tis. 37:26; Mat. 5:45

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

2 Timote 1:18

Ngha Hosi yi mu vumela lezaku a kuma wuxinji mahlweni ka Hosi a ka siku lego. Lezi a nga nzi vuna ha zona le Efesusi, wena wa zi tiva khwatsi Mat. 25:34; 2 Tes. 1:10; Maheb. 6:10

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

Rute 1:16

Kanilezi Rute i lo hlamula, aku: U nga nzi khongoteli ku ku tsika nzi tlhela. Hakuva ni kwihi laha u yako kona, minawu nzi taya; ni kwihi laha u tshamako kona, minawu nzi ta tshama laho. A vanhu va wena mbanhu va minawu; a Nungungulu wa wena i Nungungulu wa minawu.

Rute 2:11

Boazi aku kakwe: Nzi bikelwe zilo zontlhe lezi u zi mahileko ka nwingi wa wena, kusukela kufeni ka nuna wa wena; lezaku u tsikile a raru ni nyine wa wena, ni tiko ga wena ga maheleko, uta ka tiko legi u nga kala u nga gi tivi.

Rute 2:13

Zonake yena aku: Hosi yanga, u nzi mahele tipswalo; hakuva u nzi tangalisile, u wulawula hi wuxinji ka nanza ga wena; hambu loku nzi nga ringani ni ginwe ga malanza ya wena ya xisati.

Rute 4:15

1 tava mutangalisi wa moya wa wena, ava muwundli wa wena wukhosaneni ga wena. Hakuva hi loye a pswelweko hi katamwane wa wena, loyi a ku ranzako nguvu ku hunza ntlhanu wa vafana ni vambiri.

1 Samueli 24:19

Loku a munhu a kumana ni nala wakwe, wa mu tsika a ti fambela ke? Hikwalaho Jehova a ku chachazele hi wunene, hi kota ya lezi u nzi maheleko nyamutlha.

1 Samueli 24:20

Makunu nza zi tiva lezaku wena u tava hosi, ni lezaku a wuhosi ga va ka Israeli gi ta tiya mandleni ya wena.