Obadia 1:3 - Tshwa Bible

³ A matshanza ya mbilu ya wena ma ku khohlisile, wena loyi u akileko mikovotlweni ya maribye, loyi a wuakelo ga wena gi nga tlakukile; loyi unge mbilwini ya wena: Himani a ta nga nzi wisa lahasi?

Obadia 1:3 Mawu Ofanana

Genesisi 36:8

Hikwalaho Esau i lo ya aka le xitsungeni xa Seire; Esau hi yena Edomi.

2 Tihosi 14:7

I lo daya 10,000 wa vavanuna va le Edomi, le Koveni wa Munyu; ka yona yimpi leyo i lo teka Sela a gi chula vito ga Jokteela kala nyamutlha.

2 Kronekele 25:11

Amazia i lo tiya hlana a rangela a vanhu vakwe, vaya le nkoveni wa Munyu va ya hlasela 10,000 wa vavanuna va vaSeire.

2 Kronekele 25:12

A vavanuna va ka Juda va lo khoma 10,000 wa vavanuna va va yisa le xitsungeni xa ribye, va ya va hoxa lahasi, va va chinza vontlhe, bhi!

Joba 20:6

Hambu loku a ti kulisa a kala a chikela matilweni, Ni loku a hloko yakwe yi chikela marefini,

Mavingu 16:18

A matshanza ma rangela kulova; i kutikukumukisa ku rangela kuwa.

Mavingu 18:12

Loku a kulova ku nga se nga chikela, a mbilu ya munhu yi na ni matshanza; i ku ti tsongahata ku ranga mahlweni ka wudzunzo.

Mavingu 29:23

A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. Lu. 14:11; 1 Ped. 5:5

Isaya 16:6

Hi zwile hi matshanza ya Moabi, lezaku i na ni matshanza nguvu; A kutikulisa kakwe, ni xikaha xakwe, ni zanga: A kutikukumuxa kakwe ka mahala.

Jeremia 21:13

Languta, nzi na ni xisolo na wena muaki wa le nkoveni, lomu khokholeni ga livala, ku wula Jehova; nzi ni mhaka na nwina lava mu nge: Himani a to relela a ta hi vukela? himani a to enghena wuakelweni ga hina ke?

Jeremia 37:9

Jehova i ngalo; Mu nga ti kanganyisa muku: A maKaldea ma ta suka xikari ka hina, hakuva ma nga ta suka.

Jeremia 48:28

Nwina vaaki lomu Moabi, Humani mitini mu ya aka maribyeni; Mu kotisa matuva ma akako zisaka laha nonwini wa khovo-khovo.

Jeremia 49:16

A kutshisa ka wena ni matshanza ya wena zi ku khohlisile, wena loyi u akileko lomu tihlohlolweni ta maribye, u tshamileko hehla ka xitsunga. Hambu loku u aka xisaka xa wena le hehla kukotisa a gama, nzi ta ku susa nzi ku releta lahasi, ku wula Jehova.

Jeremia 49:4

Hikuyini u ti kukumukisako hi kota ya minkova, a nkova wa wena wu khulungako mati, wena nhwana u ti alisako? Wena loyi u tsumbako a titshomba ta wena, uku: Himani a ta ngata a ta nzi vukela ke?

Ezekieli 28:16

Laha u nga kari u maha wukwewu go tala u lo tala hi tihanyi, uwa xionhweni. Hikwalaho nzi ku hlongole xitsungeni xa Nungungulu kota loye a nyenyezileko; nzi ku lovisile lomu xikari ka maribye ma kwezimako, wena kerubima gi ungamelako.

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.