Nehemia 9:35 - Tshwa Bible

³⁵ Hakuva lomu mufunweni wabye a va ku tirelangi, laha u nga va nyika hi wunene ga wena ga hombe, ni tiko leʼga hombe go nona u nga va nyika, kanilezi vona a va humangi zimahweni zabye zo biha.

Nehemia 9:35 Mawu Ofanana

Nehemia 9:25

Va lo teka a miti yi bhiyelweko, ni tiko go nona, va teka ni tiyindlu ti nga wa tele hi zilo zo saseka, a tihlowo ti kelilweko, zivina, mioliva, ni tisinya tinyingi ta mihanzu. Zinghaho va loga, va xura, va kulukelana, va ti tsakela hi wunene ga wena.

Nehemia 9:34

A tihosi ta hina, kutani tihosana, kutani vapristi, ni vararu va hina, a va hlayisangi milayo ya wena, kutani ku ingisa zileletelo za wena ni wukustumunyu ga wena, lezi wena u nga va khongotela ku zi maha.

Isaya 63:7

Nzi taba hungu hi mitiro ya Jehova ya wuxinji, Ni wudzunzo ga Jehova, Maringano ni zontlhe lezi Jehova a hi maheleko, Ni wunene gakwe ga hombe hehla ka yindlu ya ka Israeli, Legi a va maheleko hi wuxinji gakwe Ni liranzo lakwe la hombe.

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Ezekieli 5:6

I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

Deuteronome 28:47

Hakuva wena a ku khozelangi Jehova Nungungulu wa wena hi kutsaka, ni mbilu yontlhe ya wena, hi kota ya wunyingi ga zilo zontlhe.

Deuteronome 28:48

Na wena u ta khozela valala va wena lava Jehova a ta nga va rumela ku ta ku vukela, na u hi ni ndlala ni tora, ni wuna, ni ku vumala zilo zontlhe; na yena i ta khoneka muyoko wa xiketse lomu nhanwini ya wena, U kala u lobyiswa hi yena.

Deuteronome 31:21

Ni loku makhombo lawa yo tala ni zikarato zita hehla kabye, zonake leli lisimu li ta maha wukustumunyu mahlweni ka vona; hakuva lona li nga ta rivaliwa milonwini ya zizukulwana zabye. Hakuva mina nza tiva maalakanyo ya timbilu tabye legi siku, na nzi nga se nga va chiketa a tikweni legi nzi hlambanyileko ku va nyika gona.