Nehemia 9:30 - Tshwa Bible

³⁰ Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Nehemia 9:30 Mawu Ofanana

2 Tihosi 18:11

A hosi ya le Asiria yi lo khoma va ka Israeli, yi va yisa tikweni ga le Asiria, yi ya va akisa le Hala, ni le Habora le Congweni wa Gozani, ni le mitini ya vaMedi,

2 Tihosi 21:10

Jehova i lo kanela hi milomu ya malanza yakwe, va nga vaprofeti, aku:

2 Kronekele 24:19

Jehova i lo rumela vaprofeti xikari kabye kasi ku va wuyiseta kakwe, kanilezi cima a va ingisangi.

Ezra 9:10

Nungungulu wa hina, anzhako ka zontlhe lezi hi ta kuyini? Hakuva hi fularele milayo ya wena,

Nehemia 9:20

U lo va nyika kambe a moya wa wena wa zinene lezaku wu va gonzisa, cima a ku va tsimbetelangi kuga mane; u te vaha ni mati kasi ku tima a tora gabye.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 95:10

Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. Ekso. 32:9; Deut. 32:5, 6, 28

Isaya 28:10

Hakuva a zilayelo zakwe a zi gumesi, A zilayelo zakwe zita xinwe hehla ka xinwani; Kutsongwani laha, ni kutsongwani lahaya!

Isaya 42:24

Himani a nyikeleko Jakobe a kuva a phangiwa, Na Israeli mandleni ya vaphangi ke? A hi Jehova loyi hi mu onheleko ke? Loyi va alileko ku famba tindleleni takwe, Va nga ingisi nayo wakwe.

Isaya 48:9

Kanilezi hi kota ya vito ga mina nzi ta timisela, Hi kota ya wudumo ga mina nzi ta ti khoma, Lezaku nzi nga ku lovisi.

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Jeremia 25:4

Kambe Jehova i rumele ka nwina a malanza yakwe wontihe hi kusimamisilweko, va nga vaprofeti; kanilezi nwina a mu ingisangi hambu aku phuhunha tindleve kasi kuzwa. 2 Tih. 17:13

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 44:4

Nzi lo khanzakanya nzi mu rumela a malanza ya mina, va nga vaprofeti, va taku ngalo: Mu nga maheni a manyalataniso lawa nzi ma vengako!

Jeremia 44:5

Kanilezi a va ingisangi, ge hambu ku phumunha ndleve yabye, kasi ku huma kubiheni kabye, va nga ha hiseli tibani a vanwani vanungungulu.

Jeremia 7:25

A kusukela a siku legi a vararu va nwina va nga suka le tikweni ga Gipite kala lezi a siku ni siku na ga hi mixo nzi rumele ka nwina a malanza ya mina wontihe, va nga vaprofeti. 2 Kro. 36:15

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.

Zakaria 7:12

Va lo nonohisa timbilu tabye tiku khwatsi i daimani, lezaku va ngazwi a nayo ni timhaka leti Jehova wa, tiyimpi a nga ti rumele hi Moya wakwe hi nomu wa vaprofeti va kale; hikwalaho ku lo huma a zanga ya hombe hi ka Jehova wa tiyimpi.

Zakaria 7:13

Khwatsi hilezi va nga kala ku ingisa laha a nga vitana, hizalezo nzi nga ta ingisa loku va vitana, ku wula Jehova wa tiyimpi;

Mitsengo 11:26

Makunu ku wa sele vavanuna vambiri le wugovelweni, a vito ga munwe i wa hi Eldade, ni vito ga munwani i wa hi Medade; a moya wu lowa hehla kabye, na va hi lava va tsalelweko, a va yangi le Tendeni; va lo profeta lomu wugovelweni.

Mitiro 13:18

Yena i lo hunisela ha vona le xiwuleni a xipimo xa 40 wa malembe.

Mitiro 28:25

Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18

2 Pedro 3:9

A Hosi a yi hlweli ku maha lezi yi nga tsumbisa zona, kota lezi vanwani va alakanyako lezaku ya hlwela. Kanilezi yi timisela ha nwina, hakuva a yi ranzi lezaku ku lova ni munwe, kanilezi yi ranza lezaku vontlhe va hunzuluka. Isa. 30:18; Ezek. 33:11; Hab. 2:3