Nehemia 9:29 - Tshwa Bible

²⁹ u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Nehemia 9:29 Mawu Ofanana

2 Tihosi 17:13

Kasike Jehova i wa va byelile va ka Israeli ni va ka Juda hi vaprofeti vakwe, ni vontlhe vawoni vakwe: aku: Tlhelani lomu tindleleni ta nwina to biha, mu hlayisa zileletelo za mina ni milayo ya mina, khwatsi hi lezi nzi leleteleko vararu va nwina yontlhe milayo, kotisa lezi nzi rumileko a malanza ya mina, va nga vaprofeti.

2 Tihosi 17:14

Kanilezi a va ingisangi; va lo nonohisa a tinhamu tabye khwatsi hi vararu vabye, lava va nga kholwangiko ka Jehova Nungungulu wabye. Ekso. 34:9; Deut. 31:27; Mal. 3:6

2 Kronekele 24:19

Jehova i lo rumela vaprofeti xikari kabye kasi ku va wuyiseta kakwe, kanilezi cima a va ingisangi.

2 Kronekele 33:10

Jehova i lo wulawula ka Manasa zinwe ni vanhu vakwe, kanilezi cima a va ingisangi.

2 Kronekele 36:15

Jehova Nungungulu wa vadadani vabye i wa va layile zikhati zinyingi hi mitsumi yakwe, hakuva i wa hawukela a vanhu vakwe ni wutshamu gakwe.

Nehemia 13:15

Masikwini lawo nzi lo wona le Juda a vanwani na va kamela vinya lomu zigowolweni hi siku ga sabado, ni laʼvo rwalela a tinyanza ta mavele hi timbongola, ni vinya, mauva, ni makuwu, ni minzhwalo ya tixaka ti tsalangeneko, leyi va nga wa yi neha le Jerusalema hi siku ga sabado. Mina nzi lo va holovela hi siku lego va nga wa xavisa ha gona zakuga.

Nehemia 9:10

U kombisa miwoniso ni zihlamaliso ka Faro, ni ka malanza yakwe wontihe, ni ka vanhu vontlhe va tiko gakwe, hakuva wena wa zi tiva lezaku va va khomile hi lunya; wena u ti mahele vito, khwatsi hi nyamutlha lezi Ekso. 7-12

Nehemia 9:16

Kanilezi vona ni vararu va hina va lo ti alisa, va nonohisa tinhamu tabye, va ala kuzwa zileletelo za wena,

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Nehemia 9:30

Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 42:19

Jehova i mu byelile nwina misalela ya ka Juda, aku: Mu nga yeni Gipite! Tiveni lezaku nzi mu leletele nyamutlha lezi.

Jeremia 43:2

Azaria a nʼwana Hoxaia na Johannani a nʼwana Karea, ni vanhu vontlhe va matshanza va lo byela Jeremia, vaku: Wa hemba wunwa! Jehova Nungungulu wa hina a nga ku rumangi ku ta hi byela, uku: Mu ngayi Gipite mu ya luvela kona.

Jeremia 44:10

Kala nyamutlha a va se nga ti tsongahata, ge hambu ku chava, kutani ku famba hi milayo ya mina ni zileletelo lezi nzi nyikileko nwina ni vakoko ya nwina.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Ezekieli 20:11

Nzi lo va nyika milayo ya mina, nzi va gonzisa a zileletelo za mina, a munhu loyi a zi hlayisako i ta hanya ha zona. Deut. 5:1; Rom. 10:5; Gal. 3:12

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Hosea 6:5

Hikwalaho nzi va tlhavile hi vaprofeti, nzi va dele hi timhaka ta nomu wa mina; a kulamula ka mina ku khwatsi kuwonekela loku ku humako.

Levi 18:5

Hikwalaho mu ta ingisa milayo ya mina ni zileletelo za mina; a munhu loye a zi mahako i ta hanya ha zona: hi mina Jehova. Ezek. 20:11; Rom. 10:5; Gal. 3:12

Mateu 19:17

Jesu aku kakwe: Hikuyini u wutisako mina hi lexi xi sasekileko ke? Munwe ntsena loyi a nga nene. Kanilezi loku u ranza ku enghena wutomini, gonga milayo.

Luka 10:28

Jesu aku kakwe: Wena u hlamule khwatsi; maha lezo, u ta hanya. Levi 18:5; Neh. 9:29; Ezek. 20:11

Va le Roma 10:5

Hakuva Mosi i tsala lezaku a munhu loyi a mahako a kululama loku ku nga ka nayo i ta hanya ha kona. Levi 18:5

Va le Galatia 3:12

Kanilezi a nayo a wu humi kukholweni; ku tsalilwe ku ngalo: Loyi a mahako a zileletelo za mina i ta hanya ha zona. Levi 18:5; Rom. 4:4; 11:6

Deuteronome 31:21

Ni loku makhombo lawa yo tala ni zikarato zita hehla kabye, zonake leli lisimu li ta maha wukustumunyu mahlweni ka vona; hakuva lona li nga ta rivaliwa milonwini ya zizukulwana zabye. Hakuva mina nza tiva maalakanyo ya timbilu tabye legi siku, na nzi nga se nga va chiketa a tikweni legi nzi hlambanyileko ku va nyika gona.

Deuteronome 31:27

Hakuva nza tiva kuhluwuka ka wena ni kunonoha ka nhamu ya wena; hambu na nza ha hanya xikari ka nwina, ma ha simamisako ku hluwuka ka Jehova, ku ta kuyini laha nzi ta ngafa ke?

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Valamuli 6:10

Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38