Nehemia 9:17 - Tshwa Bible

¹⁷ va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Nehemia 9:17 Mawu Ofanana

1 Tihosi 6:13

Nzi tshama xikari ka vanana va ka Israeli, cima nzi nga ta tsika a vanhu va mina va ka Israeli. Ekso. 29:45; Levi 26:11

1 Tihosi 8:57

Ngha Jehova Nungungulu wa hina ave zinwe na hina, khwatsi hi lezi a nga wa hi zinwe ni vakoko va hina. Ngha yena a nga hi tsiki a hi rivala;

2 Kronekele 36:13

Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13

Ezra 9:9

Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Nehemia 9:31

Ahembaloko, hi kota ya wuxinji ga wena go eta, cima a ku va mbhetangi, hambu ku va fularela, hakuva wena u Nungungulu wa tipswalo ni wuxinji.

Tisimu 106:13

Va lo hatlisa va rivala mitiro yakwe, A va rinzelangi a makungo yakwe.

Tisimu 106:7

A vadadani va hina a va khatalelangi zihlamaliso za wena le Gipite, A va alakanyangi a wuxinji ginyingi ga wena, Kanilezi va lo ku hluwuka le bimbini, gi nga Bimbi go Pswhuka.

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 78:10

A va hlayisangi a xivumelwano xa Nungungulu, Va lo ala ku famba hi nawo wakwe.

Tisimu 78:11

Va lo rivala a mitiro yakwe. Ni zihlamaliso lezi a nga va kombisa.

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Eksodusi 32:9

Jehova i lo wula kambe ka Mosi, aku: Nzi wonile lava vanhu, lezaku mbanhu va tinhamu to nonoha.

Mavingu 1:24

Hakuva mina nzi vitanile, nwina mu ala, zi lo nawuluta a canja ga mina, kanilezi ai nga kona a nga gi khatalela, Isa. 65:2; Jer. 7:13

Jeremia 18:15

Hakuva a vanhu va mina va nzi rivakelwe, Va hisile libani ka zifananiso; Zi va khunguvanyekisile tindleleni tabye, a mipfutleni ya kale, Kasi va njenjereka ndleleni yo hambuka leyi yi nga bhoxiwangiko.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Ezekieli 5:6

I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Mitsengo 14:11

Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?

Mitsengo 14:41

Zonake Mosi aku: Mu hambunyetela yini kuleletela ka Jehova? Cima mu nga ta humelela!

Mitsengo 16:14

Kambe wena a ku hi chikelangi a tikweni legi gi khulungako a masi ni wulombe; kambe a ku hi nyikangi a masimu ni zivina a kuva tshomba ya hina! Kasi wena u lava ku boxa a mahlo ya lava vanhu ke? Hina hi nga tata.

Mitiro 7:39

Kanilezi a vakoko va hina va wa nga vumeli ku mu ingisa, va lo mu ala, va tlhelela Gipite hi timbilu tabye,

Va le Roma 9:15

Hakuva yena i te ngalo ka Mosi: Nzi ta mu zwela wusiwana loyi nzi mu zwelako wusiwana; nzi ta mu mahela wuxinji loyi nzi mu mahelako wuxinji. Ekso. 33:19

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.