Nehemia 9:16 - Tshwa Bible

¹⁶ Kanilezi vona ni vararu va hina va lo ti alisa, va nonohisa tinhamu tabye, va ala kuzwa zileletelo za wena,

Nehemia 9:16 Mawu Ofanana

2 Tihosi 17:14

Kanilezi a va ingisangi; va lo nonohisa a tinhamu tabye khwatsi hi vararu vabye, lava va nga kholwangiko ka Jehova Nungungulu wabye. Ekso. 34:9; Deut. 31:27; Mal. 3:6

2 Kronekele 29:6

Hakuva a vadadani va hina va gohile, va maha kubiha mahlweni ka Jehova Nungungulu wa hina, va mu tsika va hunzuluka tinghohe tabye va nga cuwuki a yindlu ya Jehova, va yi fularela.

2 Kronekele 30:8

Makunu nwina mu nga nonohisi tinhamu ta nwina, khwatsi hi vadadani va nwina; khomani a canja ga Jehova, muta ndlwini yakwe yo basa a yi basisileko kala kupinzuka, mu ta khozela Jehova Nungungulu wa nwina, kasi a zanga yakwe yo tshisa yi fela ku Suka ka nwina.

2 Kronekele 36:13

Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13

Nehemia 9:10

U kombisa miwoniso ni zihlamaliso ka Faro, ni ka malanza yakwe wontihe, ni ka vanhu vontlhe va tiko gakwe, hakuva wena wa zi tiva lezaku va va khomile hi lunya; wena u ti mahele vito, khwatsi hi nyamutlha lezi Ekso. 7-12

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Tisimu 106:6

Hina hi onhile ku fana ni vadadani va hina, Hi gohile, hi tira kubiha. Levi 26:40; Jer. 3:25; Dan. 9:5

Tisimu 81:8

Ingisa, tiko ga mina, nzi ku luleka; Israeli, loku ku wo khwatsi u wa nzi ingisa!

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 32:9

Jehova i lo wula kambe ka Mosi, aku: Nzi wonile lava vanhu, lezaku mbanhu va tinhamu to nonoha.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Ezekieli 5:6

I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Deuteronome 31:27

Hakuva nza tiva kuhluwuka ka wena ni kunonoha ka nhamu ya wena; hambu na nza ha hanya xikari ka nwina, ma ha simamisako ku hluwuka ka Jehova, ku ta kuyini laha nzi ta ngafa ke?

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Deuteronome 9:13

Na Jehova i lo engeta aku ngalo: Nzi wonile lezaku lava vanhu va na ni tinhamu to nonoha.

Deuteronome 9:27

Alakanya malanza ya wena, Abrahama, na Isaka, na Jakobe; u nga cuwuki a kunonoha ka timbilu ta lava vanhu, ni kubiha kabye, ni xionho xabye,

Deuteronome 9:6

Hikwalaho tiva lezaku Jehova a nga ku nyiki a tiko legi go saseka ku gi fumela hi kota ya kululama ka wena, hakuva wena u tiko ga vanhu va tinhamu to nonoha.

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.

Maheberu 3:15

Hakuva ka ha wuliwa ka hina ku ngalo: Nyamutlha loku muzwa a gezu gakwe, Mu nga nonohisi a timbilu ta nwina kota laha va nga nzi zangarisa.