Nehemia 9:15 - Tshwa Bible

¹⁵ U va nyika zibaba za le tilweni kasi ku miyeta ndlala yabye, u va humesela mati hi lomu ribyeni kasi ku tima tora gabye, u va lelela lezaku va ya fumela a tiko legi u nga gi tlakusela canja ga wena u hlambanya lezaku u ta va nyika gona. Ekso. 16:4; 17:6

Nehemia 9:15 Mawu Ofanana

Genesisi 14:22

Na Abrama i te ngalo ka hosi ya le Sodoma: Nzi tlakusile a canja ga mina ka Jehova, Nungungulu a nga Hehla-hehla, a nwinyi wa tilo ni misava,

Nehemia 9:20

U lo va nyika kambe a moya wa wena wa zinene lezaku wu va gonzisa, cima a ku va tsimbetelangi kuga mane; u te vaha ni mati kasi ku tima a tora gabye.

Tisimu 114:8

Loye a nga hunzula ribye gi maha tiva ga mati, Ni ribye go nonoha gi maha xibuka xa mati. Ekso. 17:6; Mitse. 20:11; Isa. 48:21

Eksodusi 16:4

Jehova aku ka Mosi: Languta, nzi ta mu nisela zibaba za le tilweni, a vanhu va ta huma va rolela lezi zi ringanako ka siku ni siku, na nzi va ringa lezaku xana va ta famba hi nayo wa mina, kutani zi nga tava lezo.

Eksodusi 17:3

A vanhu va wa hi ni tora hi ku vumala mati, zonake va lo holovela Mosi, vaku: U hi humesele yini le Gipite u ta hi daya hi tora, hina ni vanana va hina ni tihomu ta hina?

Eksodusi 17:6

Languta, nzi ta yima mahlweni ka wena lahaya ribyeni ga Horebe; u taba ribye, zonake gi ta humesa mati; va tanwa vanhu. Mosi i lo maha lezo mahlweni ka masingalakati ya ya ka Israeli. Mitse. 20:11; Isa. 48:21; 1 Kor. 10:4

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Isaya 48:21

A va zwangi tora laha a nga va rangela ziwuleni, Hakuva i lo va khulungisela mati hi lomu ribyeni, I lo panza a ribye, a mati ma bhukula. Ekso. 17:6; Mitse. 20:11; 1 Kor. 10:4

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Ezekieli 20:15

Kambe nzi lo va hlambanya lomu xiwuleni lezaku nzi nga ta va yisa tikweni legi nzi va nyikileko, gi khulungako a masi ni wulombe, gi sasekileko ku hunza wontihe matiko. Mitse. 14:21; Deut. 1:34

Mitsengo 14:30

cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.

Deuteronome 1:21

Languta Jehova, Nungungulu wa wena, i ku nyikile tiko. Kanziha uya gi teka, kota lezi Jehova a wulileko, yena Nungungulu wa vararu va wena. U nga chavi hambu ni ku rurumela.

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.