Nehemia 9:12 - Tshwa Bible

¹² Tlhatakumbiri, u lo va rangela hi mhinga ya refu ni hlikanhi, laha wusikwini u va rangela hi mhinga ya nzilo, kasi ku va woningela ndleleni leyi va faneleko ku famba ha yona.

Nehemia 9:12 Mawu Ofanana

Nehemia 9:19

kanilezi wena hi wuxinji ga wena go eta, a ku va tsikangi lomu xiwuleni. Laha hlikanhini a mhinga ya refu a yi tsikangi ku va rangela ndleleni yabye, ge hambu a mhinga ya nzilo a ku tsika ku va woninga a ndleleni leyi va nga wa fanele ku famba ha yona.

Tisimu 105:39

I lo andlala refu gi va fenengeta, Ni nzilo wo va woningela ni wusiku. Ekso. 13:21; 14:19

Tisimu 107:7

I lo va rangela hi ndlela yi lulamileko, Kasi vaya mutini wo tshama kona.

Tisimu 143:8

Nzi mahe nzizwa wuxinji ga wena laha mixweni, Hakuva nzi tsumba ka wena; Nzi tivise a ndlela leyi nzi faneleko ku famba ha yona, Hakuva nza tlakusa muhefemulo wa mina ka wena.

Tisimu 78:14

Ni hlikanhi i lo va rangela hi refu, Ni wusiku gontlhe hi kuwonekela ka nzilo. Ekso. 13:21

Eksodusi 15:13

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Mitsengo 9:16

Ku lo mahisa lezo masiku wontihe; a refu gi wa fenengeta a tabemakeli, ni laha wusikwini ku wa ku khwatsi i nzilo.

Mitsengo 9:21

Hilezo ni loku a refu gi tshama ntsena kusukela ni gambo kala laha mixweni; loku a refu gi suka ni mixo, vona va su andlamuka. Kasi loku a refu gi tshamile a siku ni wusiku ga kona, a va nga suki, kala gi tlakuka gi suka.

Deuteronome 1:33

loyi a fambako mahlweni ka nwina lomu ndleleni, a mu lavela a wutshamu go gwimba matenda, ni ku mu kombisa ndlela laha wusikwini hi nzilo, ni laha hlikanhini hi refu.