Nehemia 9:10 - Tshwa Bible

¹⁰ U kombisa miwoniso ni zihlamaliso ka Faro, ni ka malanza yakwe wontihe, ni ka vanhu vontlhe va tiko gakwe, hakuva wena wa zi tiva lezaku va va khomile hi lunya; wena u ti mahele vito, khwatsi hi nyamutlha lezi Ekso. 7-12

Nehemia 9:10 Mawu Ofanana

Nehemia 9:16

Kanilezi vona ni vararu va hina va lo ti alisa, va nonohisa tinhamu tabye, va ala kuzwa zileletelo za wena,

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 3:20

Kanilezi nzi ta tlakusa a canja ga mina nziba vaGipite hi zihlamaliso zontlhe lezi nzi ta nga zi maha ka vona. Anzhako ka zona i ta mu tsika mu famba.

Eksodusi 5:2

Zonake Faro aku ka vona: Himani Jehova, wo kala nzi ingisa a gezu gakwe, nzi tsika va ka Israeli va famba ke? Jehova a nzi mu tivi, va ka Israeli cima nzi nga ta va tsika va famba.

Eksodusi 7:1

Jehova aku ka Mosi: Cuwuka, nzi ku mahile u ku khwatsi u nungungulu mahlweni ka Faro, ni nakuloni Aroni i tava muprofeti wa wena.

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 42:20

U wonile a zilo zo tala, kanilezi a ku zi khataleli; A tindleve, ti vululekile, kanilezi a ku ingisi nchumu. Mat. 13:13; Rom. 2:21

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Isaya 63:14

Khwatsi zifuyo zi relelako nkoveni, A Moya wa Jehova wu lo va nyika kuhumula. Hizalezo u nga rangela tiko ga wena, Kasi u ti mahela a vito gi dumileko.

Jeremia 32:20

Wena u mahile ziwoniso ni mahanjalati le tikweni ga Gipite, ni hehla ka Israeli, ni xikari ka vanhu vanwani kala nyamutlha lezi; u ti mahele a vito legi u nga nago legi siku;

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 9:15

Hosi, Nungungulu wa hina, loyi u humesileko a vanhu va wena tikweni ga Gipite hi canja ga wena ga ntamu, u ti mahela a wudumo kala ni nyamutlha lezi, hina hi Onhile, hi mahile kubiha.

Mitiro 7:36

Hi yena a nga va humesa, na a mahile a zirewukiso ni ziwoniso le Gipite, ni le Bimbini go Pswhuka, ni le xiwuleni hi 40 wa malembe. Ekso. 14:21; 16:1; 33:1

Va le Roma 9:17

Hakuva a mutsalo wu ngalo ka Faro: Nzi lo ku vuxa lezaku kasi nzi fela ku wonisa a ntamu wa mina ha wena, ni lezaku a vito ga mina gi zwakala misaveni yontlhe. Ekso. 9:16; Mav. 16:4

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Deuteronome 7:19

a zikarato lezi za hombe zi wonilweko hi mahlo ya wena, ni ziwoniso ni zihlamaliso, ni canja ga ntamu, ni woko gi nawulutilweko, lezi Jehova Nungungulu wa wena a ku humesileko ha zona. Zinghaho Jehova Nungungulu wa wena i ta mahisa zalezo ka wontihe matiko lawo u ma chavako.

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.