Nehemia 8:9 - Tshwa Bible

⁹ Nehemia, loyi a nga wa hi hosi ya kona, ni matsalani wa kona mupristi Ezra, ni vaLevi lava va nga wa hi vagonzisi va vanhu, va te ngalo ka vanhu vontlhe: A siku legi i siku gi basileko ka Jehova Nungungulu wa nwina. Mu nga mahi hlomulo, hambu ku rila. Hakuva a vanhu vontlhe va wa rila, laha va ngazwa a timhaka ta milayo. Levi 23:24

Nehemia 8:9 Mawu Ofanana

2 Tihosi 22:11

Makunu laha a hosi yi nga zwile a timhaka ta bhuku ga milayo, yi lo hanzula a tinguwo ta yona.

2 Tihosi 22:19

kota lezi a mbilu ya wena yi olovileko, na u ti koramisile mahlweni ka Jehova, laha u ngazwa hi lezi nzi wulileko xungetano hi wutshamu legi, ni vaaki va gona, lezaku va ta lobyiswa vave xiruko, u hanzula tinguwo ta wena u rila mahlweni ka mina, minawu nzi ku zwile, ku wula Jehova.

2 Kronekele 15:3

Xikhati xo leha a va ka Israeli na va nga hi na Nungungulu wa zinene, ni mupristi wa ku va gonzisa, ni kambe va wa hi handle ka nayo.

2 Kronekele 30:22

Hezekia i lo wulawula timhaka to tangalisa ka vaLevi vontlhe lava va va tlharihileko ntirweni wa kukhozela Jehova. Va loga lezi zi leletelweko ntlhanu wa masiku ni mambiri, na va kari va tlhava miphahlo ya kubonga, na va dumisa Jehova Nungungulu wa vadadani vabye.

2 Kronekele 34:19

Laha a hosi yi nga wa zwile a timhaka ta nayo, yi lo hanzula a tinguwo ta yona.

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

2 Kronekele 35:3

I lo byela vaLevi lava va basisilweko va Jehova, a vagonzisi va va ka Israeli, aku: Enghenisani a arke go basa ndlwini leyi yi akilweko hi Solomoni nʼwana Davida, a hosi ya ka Israeli; ku nga ha ta kuva ni nzhwalo kambe makatleni ya nwina. Makunu khozelani Jehova Nungungulu wa nwina, ni vanhu vakwe, a va ka Israeli.

Ezra 2:63

A mufumeli wabye i lo va byela lezaku va ngagi a zilo zi basisilweko kala a siku lego ku ta nga humelela a mupristi loyi a ta nga yima na khomile Urima ni Tumima. Ekso. 28:30; Mitse. 27:21

Ezra 7:11

Makunu leti hi timhaka ta papilo legi hosi Artaxerxesi a nyikileko Ezra, a mupristi ni mutsali, a nga gonzisa milayo wa Jehova, ni ziyimiso zakwe lezi a leleteleko va ka Israeli:

Nehemia 10:1

Lava va nga tiyisa xifungo hi hosi ya kona Nehemia nʼwana Hakalia, na Zedekia;

Nehemia 12:26

Lezo ku wa hi masikwini ya Joiakimu nʼwana Jexua, nʼwana Jozadaki, ni masikwini ya Nehemia a mufumeli, na mupristi Ezra a mutsali.

Nehemia 7:65

A mufumeli a va byela lezaku ngha va ngagi a zilo lezi zi basisilweko, kala ku chikela a mupristi loyi a nga ni Urima ni Tumima.

Nehemia 7:70

A vanwani va nga wa ti tihosana ta tiyindlu ta vararu vabye, va lo maha hlengo wo fambisa ntiro. A mufumeli i lo nyikela 1,000 wa madarike ya nzalama, ni 50 wa zinamelo, ni 530 wa tinguwo ta vapristi.

Nehemia 8:2

Mupristi Ezra i lo neha milayo leyo mahlweni ka hlengeletano ya vavanuna ni vavasati, ni vontlhe lava va nga wa zi kota ku yizwa va yi pimisisa, hi siku go ranga ga hweti ya wu 7.

Mutshawuteli 3:4

a xikhati xa ku rila, ni xikhati xa ku hleka; a xikhati xa hlomulo, ni xikhati xa ku kina;

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Levi 23:24

Byela vanana va ka Israeli, uku: Hi hweti ya wuntlhanu ni timbiri, hi siku go ranga ga hweti gi tava siku ga kuhumula, ximuse lexi xi ta nga tivekiswa hi kubiwa ka mimpunzu, hi ntlhangano wa kubasa.

Malaki 2:13

A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Va le Roma 3:20

Hakuva a ku na nyama yi ta nga hlayelwa kululama mahlweni kakwe hi mitiro ya nayo; hakuva a nayo wa tivisa hi kuonha. Efe. 2:8, 9; Xip. 7:7; Tis. 143:2; Gal. 2:16; 3:11

Va le Roma 7:9

Nzi wa kari nzi ti hanyela handle ka nayo; kanilezi na ku chikele a kulaya a kuonha ku lo vuka, zonake mina nzi lofa;

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Deuteronome 16:11

U ti tsakela mahlweni ka Jehova Nungungulu wa wena zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi loyi a nga xikari ka muti wa wena, ni muluveli, ni xisiwana, ni noni, lava va nga xikari ka nwina ka wutshamu lego Jehova Nungungulu wa wena a ta nga gi hlawula ku veka vito gakwe laho;

Deuteronome 26:14

Mina a nzi gangi ha zona lomu hlomulweni wa mina, mina a nzi hungulangi nchumu na nzi hi loye a nga basangiko, hambu ni ku nyikela nchumu xa zona hi kota ya vafileko. Nzi ingisile a gezu ga Jehova Nungungulu wa mina, ni kambe nzi mahile zontlhe khwatsi hi lezi u nzi leleteleko.

Jakobe 4:9

Xanisekani, muba nkosi, mu rila; ngha kuhleka ka nwina ku hunzulwa kuva xirilo, ni kutsaka ka nwina ku hunzulwa kuva hlomulo. Mat. 5:4