Nehemia 8:6 - Tshwa Bible

⁶ Ezra a bonga Jehova, a Nungungulu wa hombe. A vanhu vontlhe vaku: Amen, Amen! na va tlakusa a mandla yabye, va koramisa tihloko tabye va khozela Jehova a tinghohe tabye na ti cuwukile lahasi.

Nehemia 8:6 Mawu Ofanana

Genesisi 14:22

Na Abrama i te ngalo ka hosi ya le Sodoma: Nzi tlakusile a canja ga mina ka Jehova, Nungungulu a nga Hehla-hehla, a nwinyi wa tilo ni misava,

Genesisi 24:26

A wanuna i 16 khizama, a khozela mahlweni ka Jehova,

1 Kronekele 16:36

A ku khesiwe Jehova Nungungulu wa ka Israeli Kala kupinzuka ni kupinzuka! Zonake a vanhu vontlhe vaku: Amen! va dumisa Jehova.

1 Kronekele 29:10

Hikwalaho i lo bonga Jehova mahlweni ka tlhangano wontihe, aku: A ku bongiwe Jehova Nungungulu wa ka Israeli, a dadani wa hina, kala kupinzuka ni kupinzuka!

1 Kronekele 29:20

Davida i te ngalo ka wontihe tlhangano: Dumisani Jehova Nungungulu wa nwina! Zonake wontihe tlhangano wu lo dumisa Jehova Nungungulu wa vadadani vabye, va khizama mahlweni ka Jehova ni ka hosi.

2 Kronekele 20:18

Zonake Jehoxafate i lo khizama awa hi nghohe yakwe, ni vontlhe vaJuda ni vaaki va Jerusalema va lowa mahlweni ka Jehova va khozela.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

2 Kronekele 29:30

Tlhatakumbiri, hosi Hezekia zinwe ni tihosana va lo byela vaLevi a ku dumisa Jehova hi timhaka ta Davida na Asafa a muwoni; va lo yimbelela zalezo va dumisa na va tsakile, va korama va khozela.

2 Kronekele 6:4

Yena aku ngalo: A ku dumiswe Jehova Nungungulu wa ka Israeli, loyi a nga wulawula hi nomu wakwe ka dadani Davida, a tlhela a tatisa hi canja gakwe lezi a zi wulileko, aku:

Nehemia 5:13

Ni kambe nzi lo zuza a tinguwo ta mina, nziku: Nungungulu ngha a zuzisa lezo a yindlu ya munhu ni munhu, ni ntiro wakwe, a hoxiwa kule nazo loyi a nga tatisiko a xifungo lexi. Ngha a zuziswa zalezo, a halatiwa. A hlengeletano yontlhe yiku: Amen! Va lo dumisa Jehova va maha khwatsi hi lezi va nga wa hlambanyile.

Nehemia 8:7

Jexua, na Bani, na Xerebia, na Jamina, na Akuba, na Xabetai, na Hodia, na Maaseia; na Kelita, na Azaria, na Jozabadi, na Hanani, na Pelaia, ni vaLevi, vonawu va lo tlhamusela milayo ka vanhu, a vanhu na va yimile kwalaho.

Tisimu 134:2

Tlakusani mawoko ya nwina wutshanwini gakwe go basa, Mu khesa Jehova. 1 Tim. 2:8

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Tisimu 28:2

Zwana a gezu ga mikhongelo ya mina laha na nzi ku vitana, Loku nzi tlakusa a mandla ya mina wutshanwini ga wena go Basabasa.

Tisimu 41:13

A bongiwe Jehova, a Nungungulu wa Israeli, Kusukela kupinzukeni kala kupinzuka! Amen, Amen!

Tisimu 63:4

Hikwalaho nzi ta ku dumisa na nza ha hanya, Nzi ta tlakusa a mandla ya mina vitweni ga wena.

Tisimu 95:3

Hakuva Jehova i Nungungulu wa hombe; I Hosi ya hombe hehla ka vanungungulu vontlhe,

Eksodusi 12:27

Mu taku ka vona; Lowu muphahlo wa Pasika ga Jehova loyi a nga hunza lomu ka tiyindlu ta vanana va ka Israeli le Gipite, xikhati lexo a nga daya vaGipite, a ponisa a tiyindlu ta hina. Ni vanhu va lo korama va khozela.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Jeremia 28:6

muprofeti Jeremia aku: Amen! Jehova a mahe lezo. Ngha Jehova a tatisa a timhaka ta wena, leti u ti profetileko, ta ku wuyisa a zibya za yindlu ya Jehova, ni vontlhe va nga wukhumbini ga le Babuloni, va wuya laha.

Mikosi 3:41

A hi tlakuseni a timbilu ta hina ni mandla ya hina Ka Nungungulu loyi a nga le tilweni.

Levi 9:24

Ni nzilo wu lo huma mahlweni ka Jehova wu hisa a muphahlo wa kuhiswa, ni mafura laha alatini. Ni vanhu vontlhe va lo zi wona, zonake va lo kanyuluka hi kutsaka, va ti wisa lahasi hi tinghohe tabye. 2 Kro. 7:1

Mateu 26:39

I lo famba mahlweni kutsongwani, a yawa hi nghohe yakwe, a khongela, aku: Dadani, loku zi koteka, a gombe legi a gi hunze ka mina; ahemba na ku nga mahiwi hi kuranza ka mina, kanilezi kota kuranza ka wena. Mar. 14:36; Joh. 12:27; Fil. 2:8

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

1 Va le Korinte 14:16

Hakuva loku u khesa Nungungulu hi moya ntsena, a munhu wa lahandle i ta wulisa kuyini aku, Amen, a kukheseni ka wena ke, kota lezi a nga zi tiviko lezi u zi wulako? Xip. 11:24

Va le Efesusi 1:3

A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17

1 Timote 2:8

Hikwalaho nzi ranza lezaku ku mahiwa mikhongelo hi vavanuna, matshanwini wontihe, na va tlakusa a mandla yo basa, va nga hi na zanga ni kukanetisana. Mal. 1:11; Joh. 4:21

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

Kuvululelwa 7:11

A tingelosi tontlhe leti ti nga yimile ti ranzela xitshamu xa wuhosi, ni manghanakana, ni zimahwa zi hanyako za mune, zi lowa hi tinghohe mahlweni ka xitshamu xa wuhosi, zi khozela Nungungulu,