Nehemia 8:17 - Tshwa Bible

¹⁷ Yontlhe hlengeletano ya lava va nga wa humele wukhumbini, yi lo aka mixaxa va tshama lomo; hakuva kusukela masikwini ya Jexua nʼwana Nuni kala lego siku, a vanana va ka Israeli va wa nga maha zo kota lezo. Ku wa hi ni kutsaka ka hombe nguvu.

Nehemia 8:17 Mawu Ofanana

1 Kronekele 29:22

Va loga, vanwa, mahlweni ka Jehova lego siku na va tsakile nguvu; zonake Solomoni nʼwana Davida i lo wumbelwa a kuva hosi ga wumbiri; va mu tota hi mafura mahlweni ka Jehova a kuva hosi, na Zadoke a kuva mupristi.

2 Kronekele 30:26

Ku wa hi ni kutsaka ka hombe lomu Jerusalema, hakuva kusukela masikwini ya Solomoni nʼwana Davida, a hosi ya va ka Israeli, a ku na ngava ni zilo zo kota lezo lomu Jerusalema.

2 Kronekele 35:18

Kusukela masikwini ya muprofeti Samueli cima a ku mahiwangi a Pasika go fanana ni lego lomu tikweni ga va ka Israeli; hambu lomu xikari ka tihosi ta ka Israeli, a ku na ngava ni yinwe hosi leyi yi nga maha a Pasika go fanana ni legi Josia ni vapristi ni vaLevi va gi mahileko, zinwe ni vaJuda ni vontlhe va ka Israeli lava va nga wa hi kona zinwe ni vanhu va le Jerusalema.

2 Kronekele 8:13

a nyikela miphahlelo ya siku ni siku khwatsi hi lezi Mosi a leleteleko, ya masabado, ni ya kusangula ka hweti, ni ya mibuzo, makhati manharu hi lembe, ni mibuzo ya zibaba zi nga comelwangiko, ni mibuzo ya tisonto, ni mibuzo ya matabernakeli. Levi 23:37; Mitse. 28:2

Ezra 3:4

Va lo maha ni mubuzo wa mixaxa, khwatsi hi lezi ku tsalilweko, ni ku nyikela a minyikelo ya kuhiswa ya siku ni siku hi mamahela ya kona ni nayo wa kona wa fanelo wa siku ni siku. Ekso. 23:16; Levi 23:34

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Deuteronome 16:15

Lomu ka 7 wa masiku, u ta maha mubuzo wa Jehova Nungungulu wa wena ka wutshamu lego Jehova a ta nga gi hlawula, hakuva Jehova Nungungulu wa wena i ta ku katekisa kontlhe kuhuleni ka wena, ni ka yontlhe mitiro ya mandla ya wena, hikwalaho u tava ni kutsaka hakunene.

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Maheberu 11:9

Hi kukholwa i lo maha muluveli tikweni ga xitsumbiso, a ku khwatsi i tiko ga vambe; a tshama lomu matendeni zinwe na Isaka na Jakobe, va nga ziga-tshomba zinwe naye ya xitsumbiso lexo. Gen. 12:8

Maheberu 4:8

Hakuva loku Joxua a wa va nyikile kuhumula, ngha Nungungulu a nga engetangi a wula hi ginwani siku.

Joxua 1:1

Makunu laha Mosi a nanza ga Jehova a nga file, Jehova i lo wulawula ka Joxua nʼwana Nuni, a nanza ga Mosi, aku: Ekso. 24:13; 33:11