Nehemia 8:10 - Tshwa Bible

¹⁰ Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Nehemia 8:10 Mawu Ofanana

1 Tihosi 8:66

Hi siku ga wu 8 i lo fambisa vanhu; na vona va lo katekisa hosi va tlhelela matendeni yabye hi kutsaka ni kubonga ka mbilu, hi kota ya zikateko zontlhe lezi Jehova a maheleko a nanza gakwe Davida ni vanhu vakwe va ka Israeli.

1 Kronekele 16:27

A wukulu ni kungangamela zi le mahlweni kakwe; A ntamu ni kutsaka zi le wutshanwini gakwe.

Nehemia 8:11

Zinghaho a vaLevi va lo miyeta vanhu vontlhe, vaku: Rutisani, hakuva legi i siku gi basileko; mu nga tsanwi!

Nehemia 8:12

A vanhu vontlhe va lo ti fambela va yaga, vanwa, va rumela zakuga ka vanwani, va ti tsakela, hakuva va wa ti pimile a timhaka leti ti nga wa tlhatlhambutelwe kabye.

Estere 9:19

Hikwalaho a vaJuda lava va akileko lomu mitini yi nga bhiywangiko, a siku ga 14 ga hweti ya Adare va maha mibuzo va tsaka, giva ximuse, va rumelana zinyikiwo ha gona.

Estere 9:22

ku nga masiku lawa a vaJuda va nga kuma kuhumula valaleni vabye, a hweti leyi a kuxaniseka kabye ku nga hunzulwa kuva litsako, a siku ga xirilo gi hunzulwa giva ka migiyo; va maha ha wona a mibuzo, va tsaka, va rumelana zinyikiwo, ni ku nyika zinyikiwo ka zisiwana.

Tisimu 149:2

Israeli a tsakele mumahi wakwe, A vanana za Zioni a va tsakele a Hosi yabye.

Tisimu 89:17

Hakuva wena u wumbhuri ga ntamu wabye, Hi wuxinji ga wena u tlakusa a limhonzo la hina.

Mavingu 17:22

A mbilu yi tsakileko yi hi muri wu nene; anilezi a moya wu tshovekileko wu omisa marambu.

Mutshawuteli 11:2

Zi avanyisele ka ntlhanu ni vambiri, hambu ka ntlhanu ni vanharu; hakuva a ku tivi a khombo gi ta nga huma laha misaveni.

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 3:13

Ni kambe, loku munhu aga, anwa a tsakela ntirweni wakwe wontihe, xinyikiwo xa Nungungulu.

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 9:7

Famba, u yaga kuga ka wena hi kutsaka, unwa vinya ga wena hi mbilu yi tsakileko; hakuva Nungungulu i sina a amukele a mitiro ya wena. Lu. 12:19; 1 Kor. 15:32

Xizimba xa ka Solomoni 5:1

Nzi enghenile sinwini ga mina, makweru wanga, makoti wa mina; Nzi wungeletele a mure wa mina ni mipepo ya mina; Nzi gile a zihahla za mina ni wulombe ga mina, Nzi nwile vinya ga mina ni masi. Ganani maxaka; nwanani, mu popiwa hi liranzo.

Isaya 49:5

Makunu Jehova wa wulawula, Loyi a nga nzi wumba rumbyini ga mamani a kuva nanza gakwe, Lezaku nzi wuyiseta Jakobe kakwe, Nzi mu tsombanyisela Israeli; Hakuva nzi dzunzekile mahlweni ka Jehova, Na Nungungulu wa mina i ntamu wa mina.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Zakaria 14:21

Ina, tontlhe timbita ta le Jerusalema ni ta le Juda ti tava ti basiselwe Jehova wa tiyimpi, kasi ni wihi a phahlelako i ta zi kota ku teka yinwe ya tona a bhika ha yona. Hi siku lego ku nga tava kona a muKanani lomu ndlwini ya Jehova wa tiyimpi. Joeli 3:17; Kuv. 21:27

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

2 Va le Korinte 8:2

Hambu lezi va nga hi nzhingweni wa kuxaniseka ka hombe va wa tsaka nguvu, ni lomu wusiwaneni gi etileko va lo nyikela hi matsenya. Mar. 12:44

Va le Filipi 3:4

Kasi na minawu nzi ngava ni kutsumba nyameni. Loku munwani a alakanya lezaku i na ni kutsumba nyameni, mina nza hunzisa.

Kuvululelwa 11:10

Ni lava va akileko misaveni va tava ni migiyo ha vona, va tsaka, va rumelana zinyikiwo; hilezi a vaprofeti lava vambiri va lo karata lava va akileko misaveni. Estere 9:19

1 Samueli 25:8

Wutisa malanza ya wena ma ta ku byela. Hikwalaho ngha majaha lawa ma kuma thomo mahlweni ka wena, kota lezi hi tako hi siku gi nene. Nyika malanza ya wena ni nʼwana wa wena Davida lezo u ta nga zi kuma lomu canjeni ga wena.