Nehemia 6:9 - Tshwa Bible

⁹ Hakuva vontlhe va wa lava ku hi dzukisela, vaku: A mandla yabye ma tava ni gome, va nga zi koti ku maha a ntiro. Kanilezi, wena Nungungulu, tiyisa a mandla ya mina.

Nehemia 6:9 Mawu Ofanana

2 Kronekele 15:7

Makunu nwina, ngha muva ni ntamu, mu nga tsiki a mandla ya nwina mava ni gome, hakuva mu tava ni nchachazelo ntirweni wa nwina.

2 Kronekele 32:18

Va lo kanyuluka vaba nyiwo hi lirimi la xijuda ka vanhu va le Jerusalema va nga hi lomu khokholeni, va va dzukisa, va va rurumelisa, kasi va fela ku teka a muti.

Ezra 1:6

Vontlhe lava va nga wa akelene navo va lo seketela hi ku va nyika ni zibya za siliva, ni za nzalama, ni zilo, ni tihomu, ni zilo za malongo, ahandle ka lezi va nga nyikela hi kuranza kabye.

Nehemia 6:14

Nungungulu wanga, alakanya Tobia na Sanballati, u va tlhelisela maringano ni mitiro yabye, ni muprofeti wa xisati Noadia, ni vontlhe vaprofeti lava va nga wa lava ku nzi dzukisela.

Tisimu 138:3

A siku legi nzi nga rila, u nzi hlamule; U nzi tiyisile, a muhefemulo wa mina wu kuma ntamu.

Tisimu 56:3

Ni ka xihi xikhati nzi chavako, Nzi ta tsumba wena.

Tisimu 68:35

Nungungulu, wa chaveka le wu tshanwini ga wena go basa; Nungungulu wa Israeli i nyika ntamu ni kufuma ka vanhu vakwe. A khesiwe Nungungulu!

Tisimu 71:1

Jehova, nzi chavela ka wena, Ngha nzi nga chelwi tingana ni kanwe.

Isaya 40:29

Wa nyika ntamu ka lava va rerekileko, A tiyiseta lava va nga hava ntamu.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Ezekieli 30:24

Nzi ta tiyiseta a mawoko ya hosi ya le Babuloni, nzi veka supado ya mina canjeni gakwe; kanilezi nzi ta tshova a mawoko ya Faro, kasi a keta mahlweni kakwe a kufanana ni munhu loyi a tlhabyilweko.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Maheberu 12:12

Hikwalaho, tiyisani a mandla ma rerekileko, ni madzolo laya ma hlekahlekako; Isa. 35:3

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.