Nehemia 6:8 - Tshwa Bible

⁸ Zonake mina nzi lo rumela a mhaka kabye, nziku: A ku na zilo za ku nghaho, zo kota lezi u zi hlawutako, kanilezi zilo za kuva u zi alakanyelako mbilwini ya wena.

Nehemia 6:8 Mawu Ofanana

Nehemia 6:7

Ni lezaku u yimisile a vaprofeti lava va kanelako ha wena le Jerusalema, vaku: Ku na ni hosi le Juda. Makunu a mhaka leyo yi ta ya bikisiwa zalezo ka hosi. Hikwalaho relela uta, kasi hi fela ku ta xuxa a mhaka leyo.

Joba 13:4

Kanilezi nwina mu vahembi va mawunwa, Mu tinʼanga ti nga vuniko nchumu.

Tisimu 36:3

A timhaka ta nomu wakwe ti bihile ni ku khohlisa; I tsikile wutlhari ni ku maha kusasa.

Tisimu 38:12

Lava va hlotako wutomi ga mina va nzi vekela maziyo; Ni lava va xuvako lezaku nzi lamatwa, va wulawula kubiha, Va alakanya kukhohlisa gontlhe siku.

Tisimu 52:2

A lirimi la wena li pola zilo zi bihileko, Li kariha khwatsi likari, wena mukhohlisi.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Danieli 11:27

A tihosi leti ta timbiri ti ta ehleketa kubiha timbilwini ta tona, ti wulawula mawunwa mezeni yinwe; kanilezi zi nga ta tiya, hakuva a magumo ma tata hi xikhati xi yimisilweko.

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 25:10

Paule i lo hlamula, aku: Mina nzi yimile mahlweni ka xitshamu xa kulamula xa Kesari, hi laha nzi fanelweko hi ku lamulwa kona; a nzi onhangi nchumu ka vaJuda, kota lezi wena u zi tivako khwatsi.

Mitiro 25:7

Laha a nga chikele, a vaJuda laya va nga relele hi le Jerusalema va lo yima va mu ranzela, va mu rwexa milanzu yo tala yo binza, leyi va nga tsanzeka a ku yi tiyisa. Mar. 15:3; Lu. 23:2, 10