Nehemia 6:14 - Tshwa Bible

¹⁴ Nungungulu wanga, alakanya Tobia na Sanballati, u va tlhelisela maringano ni mitiro yabye, ni muprofeti wa xisati Noadia, ni vontlhe vaprofeti lava va nga wa lava ku nzi dzukisela.

Nehemia 6:14 Mawu Ofanana

Nehemia 13:29

Nungungulu wa mina, va alakanye, hakuva va nyenyezisile a wupristi, ni xifungo xa wupristi ni xa vaLevi.

Nehemia 5:19

Nungungulu wanga, nzi alakanye hi kusasa kontlhe loku nzi ku mahe leko lava vanhu. Neh. 13:14, 22, 31; Maheb. 6:10

Tisimu 137:7

Jehova, alakanya a vana va Edome, Lava va ngaku ngalo hi siku ga khombo ga Jerusalema: Hahlulani, hablulani, kala xiseketelweni xa gona.

Tisimu 22:1

Nungungulu wa mina, Nungungulu wa mina, U nzi tsikele yini ke? Hikuyini u yimile kule, u nga nzi vuni, Na u nga anguli kurila ka mina?

Tisimu 63:1

Nungungulu, wena u Nungungulu wa mina, nza ku lavisisa, A muhefemulo wa mina wuzwa tora ha wena, A miri wa mina wu navela wena. Lomu tikweni ga xikhwangula gi nga hiko na mati.

Eksodusi 15:20

Zonake Miriamu, muprofeti wa xisati, a makabye wa Aroni, i lo teka a mutandanda canjeni gakwe, a vavasati vontlhe va huma va mu lanzela, na va hi ni mitandanda, va kina.

Jeremia 14:15

Hikwalaho Jehova i wula lezo xungetano ni vaprofeti lava va profetako hi vito ga mina, na nzi nga va rumangi, lava va nge ngalo: A supado ni ndlala zi nga tava kona a tikweni legi, aku: A vaprofeti lavo va ta lobyiswa hi supado ni ndlala.

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Jeremia 28:1

Hi lembe gwalego, a kusanguleni ka kufuma ka Zedekia, hosi ya ka Juda, hi lembe ga wumune, ni hweti ya wuntlhanu, Hanania nʼwana Azuri, muprofeti wa le Gibeoni, i lo nzi byela a mahlweni ka vapristi ni ka vanhu vontlhe lomu ndlwini ya Jehova, aku:

Jeremia 28:10

Zonake muprofeti Hanania i lo teka a muyoko a nhanwini ya muprofeti Jeremia a wu tshoveletela.

Jeremia 28:15

Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

Mateu 24:11

Ku ta huma vaprofeti vanyingi va mawunwa, va pengisa votala. 2 Ped. 2:1; 1 Tim. 1:4

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

2 Timote 3:8

Kota lezi Janesi na Jambresi va nga vukela Mosi, hizalezo ni vavanuna lava va vukela a zinene; va bihisilwe kupimeni kabye, a va vuni nchumu kukholweni. Ekso. 7:11

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13