Nehemia 5:12 - Tshwa Bible

¹² Zonake vona vaku: Hi ta va tlhelisela, hi nga ta lava nchumu ka vona. Hi ta maha khwatsi hi kuwula ka wena. Zonake nzi lo vitana a vapristi nzi ta va hlambanyisa lezaku va ta maha khwatsi hi lezi va tsumbisileko.

Nehemia 5:12 Mawu Ofanana

Ezra 10:12

Zonake wontihe ntlhangano wu lo hlamula hi gezu ga hombe, vaku: Hi fanele ku maha khwatsi hilezi u zi wulileko.

Ezra 10:5

Zonake Ezra i lo suka a yima a hlambanyisa a tihosana ta vapristi ni vaLevi ni vaIsraeli vontlhe, lezaku va maha lezo; va lo hlambanya.

Nehemia 10:29

Va lo namarela ka vanakulobye, ma nga manghanakana yabye, va enghena navo kuhlambanyeni ni xifungweni xa ku maha milayo ya Nungungulu leyi va nga wa nyikilwe hi Mosi a nanza ga Nungungu, ni ku hlayisa va maha zontlhe zileletelo za Jehova a Hosi ya hina, a ziyimiso ni zilayelo zakwe;

Nehemia 10:30

ni lezaku hi nga lowolisi a vanhanyana va hina ka vamatiko, ge hambu ku lowota vafana va hina a vanhanyana vabye. Ekso. 34:16; Deut. 7:3

Nehemia 10:31

Ni lezaku, loku a vamatiko va neha a wukwewu, kutani na nga tixaka muni ta zakuga hi siku ga sabado va ta hi xavisela, hi nga ta va xavela siku lego, hambu hi siku ga ximuse; niku hi tava ni tlhatlhiselelo hi lembe ga wu 7, ni ku rivalelana yontlhe milanzu.

Nehemia 13:25

Nzi lo va holovela, nzi va rukatela, a vanwani va kona nzi vaba, nzi hlurula misisi yabye, nzi va hlambanyisa hi Nungungulu, nziku: Mu nga lowolisi a vanhanyana va nwina ka vafana vabye, ge hambu ku lowota a vafana va nwina a vanhanyana vabye, ge hambu ku ti lowolela nwina wutsumbu. Deut. 7:3; Ezra 9:2

Nehemia 5:11

Mahani wuxinji mu tlhelisa nyamutlha lezi, a masimu yabye, a zivina zabye, ni mioliva yabye, ni tiyindlu tabye, ni xipanze xa zana xa mali, ni mavele, ni vinya, ni mafura, lezi mu nga zi bhinzula kabye.

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14