Nehemia 5:1 - Tshwa Bible

¹ Zonake a vanhu va tiko ni vasati vabye va lo vukela a va ka kabye, a vaJuda.

Nehemia 5:1 Mawu Ofanana

Nehemia 4:23

Zinghaho ge hambu mina, kutani vanakulori, hambu malanza ya mina, kutani a vavanuna lava va nga wa hi varinzeli va nga nzi lanzela, ku wa nga hi kona ni munwe wa ku tlhatlha tinguwo takwe; munwe ni munwani i wa fanele ku yakha mati na welele a tlhari gakwe.

Joba 34:28

Zinghaho va maha kurila ka zisiwana kuta kakwe, Lezaku azwa kurila ka laʼva nga hlomulweni. Ekso. 22:23

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Jeremia 34:8

Leyi hi mhaka ya Jehova yi ngata ka Jeremia anzhako na hosi Zedekia a mahile a xivumelwano ni vontlhe vanhu va nga hi Jerusalema, lezaku vaba hungu ga kutlhatlheka;

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Malaki 2:13

A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Mitiro 7:26

Hi siku gi gamelako i lota kabye na va kari va holova, a lava ku va lamula, aku: Madota, mu vamakabye; hi yini mu vukelanako ke?

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13