Nehemia 4:7 - Tshwa Bible

⁷ Kanilezi laha Sanballati, na Tobia, ni maArabia, ni vaAmoni, ni vaAxdodi, va ngazwa lezaku a ntiro wa ku aketa a ligingisi la Jerusalema wuya mahlweni, ni lezaku a mimole yi sangula ku valetelwa, va lo zangara nguvu.

Nehemia 4:7 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

2 Tihosi 24:2

Jehova i lo rumela a mabutho ya maKaldea, ni ya maSiria, ni ya vaMoabi, ni ya vanana va ka Amoni a ku yalwa na Jehoiakimu; i lo ma rumela a ku ya hlasela va ka Juda, khwatsi hi lezi Jehova a wulileko hi nomu wa malanza yakwe, a vaprofeti.

2 Kronekele 20:1

Anzhako ka lezo a vanana va ka Moabi, ni va ka Amoni, ni vanwani va ka Meunime, va lo ta vukela Jehoxafate valwa naye.

Ezra 5:8

Ha tivisa ka hosi lezaku hina hi wa yile tikweni ga vaJuda, le ndlwini ya Nungungulu wa hombe; ya akiwa hi maribye ya hombe ma vatlilweko; lomu khurisini ku gongonzelwa mapulango; a mitiro yiya mahlweni mandleni yabye.

Nehemia 2:10

Laha Sanballati a muHoroni, na Tobia a nanza, a muAmoni, va nga wa zi zwile zi lo va karata nguvu, hi kuzwa lezaku ku tile wanuna loyi a telako ku ta hlotela vanana va ka Israeli a kutshameka khwatsi. Nehemia a sangula ku aketa ligingisi la muti.

Nehemia 2:19

Kanilezi laha Sanballati a muHoroni, na Tobia a nanza, a muAmoni, na Gexemi a muArabia, va nga zizwa va lo hi tseketsela, va wuta hi ku hi kanyisa, vaku: Xini lexi mu xi mahako? Mu vukela a hosi ke?

Nehemia 4:1

Kanilezi laha Sanballati a ngazwa lezaku hi kari hi vuxa a ligingisi, i lo zangara nguvu, a tseketsela a vaJuda.

Nehemia 4:6

Zinghaho hi lo aka a ligingisi; lontlhe li lo tlhangana laha xikari ka kutlakuka ka lona, hakuva a vanhu va wa ti tsitsiritile ntirweni lowo.

Nehemia 4:8

Vontlhe va lo tlhangana va boha xikungo xa kulwa ni Jerusalema, ni ku vuxa a vilinganya mutini lowo.

Nehemia 6:16

Laha vontlhe valala va hina va nga zizwa, a vamatiko vontlhe va nga wa hi renzelekele va lo chava, va tsanwa nguvu, hakuva va wa zi pima lezaku a ntiro lowu wu wa mahilwe hi Nungungulu wa hina.

Jeremia 25:20

ni valuveli va kona; ni tihosi tontlhe ta tiko ga Uzi, ni tihosi tontlhe ta tiko ga maFilistia, ni Askeloni ni Gaza, ni Ekroni ni salela wa Axdodi;

Jeremia 41:10

Zonake Ixmaeli i lo famba ni misalela ya vanhu lava va nga hi lomu Mizpa, a vanhanyana va hosi, ni vontlhe vanhu lava va nga sele le Mizpa, lava Nebuzaradani a nduna ya vanyakasani a nga va nyikile ka Gedalia a nʼwana Ahikamu. Ixmaeli nʼwana Netania i lo va khomelaa famba navo ka vana va Amoni.

Amosi 1:13

Jehova i ngalo: Hi kota ya zionho ginharu za vana va ka Amoni, kutani mune wa zona, nzi nga ta susa a xitsayiso; hakuva va hanzulela a vavasati va le Gileade lava va nga ni tinyimba, kasi ku kulisa a tiko gabye.

Amosi 1:8

Nzi ta lovisa a vaaki va le Axdode, ni loyi a khomileko a nhonga ya wuhosi le Axkeloni. Nzi ta nawuluta a canja ga mina ka Ekroni ni misalela ya maFilistia yi ta lova, ku wula Hosi Jehova.

Amosi 3:9

Banani nyiwo lomu ziluvelweni za le Axdode, ni lomu ziluvelweni za tiko ga Gipite, muku: Tsombanani le xitsungeni za Samaria, mu ta wona a pfilupfilu ya hombe yi nga kona lomo, ni hlokiseielo yi nga xikari ka gona.

Mitiro 5:33

Kanilezi vona laha na va zi zwile, va lo zangara, va kanakanela ku va daya.

Kuvululelwa 12:17

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu. Gen. 3:15; Xip. 1:2, 9

1 Samueli 11:2

Nahaxi, a muAmoni, i lo va hlamula, aku: Nzi ta maha xivumelwano na nwina hi ndlela leyi: Nwina nwentlhe, a munwe ni munwani nzi ta mu bhoxa a tihlo ga xinene, nzi veka lexo xiruko hehla ka vontlhe va ka Israeli.