Nehemia 4:3 - Tshwa Bible

³ Makunu Tobia a muAmoni, loyi a nga wa hi kusuhi naye, aku: Zaleziya va zi akako, loku a hlathi gi kanziha hehla ka zona, gi ta khungumula a ligingisi leliya la maribye.

Nehemia 4:3 Mawu Ofanana

1 Tihosi 20:10

Ben-Hadade i lo engeta a rumela mhaka ka Ahabi, aku: A vanungungulu a va nzihe hi ntamu ni ku engeta, loku a ntshuri wa Samaria wu enela ku tatisa a mandla ya vontlhe vanhu lava va nzi lanzelako.

1 Tihosi 20:18

Yena i te ngalo: Loku vona vata hi kurula va khomeni na va ha hanya; ni loku vona vata hi kulwa, va khomeni kambe na va ha hanya!

2 Tihosi 18:23

Makunu mina nzi ngalo ti bohe ka nwinyi wa mina, a hosi ya le Asiria; nzi ta ku nyika a 2,000 wa mahaxi, loku wena u kuma a vavanuna lava va ta ngava vakhileli va wona.

Nehemia 2:10

Laha Sanballati a muHoroni, na Tobia a nanza, a muAmoni, va nga wa zi zwile zi lo va karata nguvu, hi kuzwa lezaku ku tile wanuna loyi a telako ku ta hlotela vanana va ka Israeli a kutshameka khwatsi. Nehemia a sangula ku aketa ligingisi la muti.

Nehemia 2:19

Kanilezi laha Sanballati a muHoroni, na Tobia a nanza, a muAmoni, na Gexemi a muArabia, va nga zizwa va lo hi tseketsela, va wuta hi ku hi kanyisa, vaku: Xini lexi mu xi mahako? Mu vukela a hosi ke?

Nehemia 6:1

Makunu laha ku nga wa bikilwe ka Sanballati na Tobia, ni ka Gexemi a muArabia, ni ka vontlhe valala va hina, lezaku nzi vuxile a ligingisi, ni lezaku ku wa nga ha hi na mole; hambu lezi xikhatini lexo nzi nga kala nzi nga se Vekela tivati lomu tinyangweni;

Mikosi 5:18

Hakuva a xitsunga xa Zioni xi hahlukile, A mahlolwa ma fambafamba hehla ka xona.

Deuteronome 23:3

Va ka Amoni ni vaMoabi va nga ta enghena tlhanganweni wa Jehova; hambu ka xizukulwana xabye xa wukhume cima va nga ta enghena mutlhanganweni wa Jehova. Neh. 13:1