Nehemia 4:17 - Tshwa Bible

¹⁷ Lava va nga wa aka a ligingisi, ni lava va nga wa rwala minzhwalo, va wa tira hi woko ginwe, a ginwani na gi welele matlhari.

Nehemia 4:17 Mawu Ofanana

Nehemia 4:13

Hikwalaho mina nzi lo veka varinzeli hi tlhelo ga le nzhelelweni wa wutshamu lego, hi lenzhako ka ligingisi, hi lehandle ka kona, nzi va veka hi mingango yabye na va hi ni tisupado, ni matlhari, ni mawura yabye.

Nehemia 4:16

Kusukela ka siku lego, a khihlanya ga vatiri va mina va lo tira, a ginwani khihlanya gabye va welela matlhari ni zitlhangu ni mawura ni mabhaji ya ziketse; a tinduna ti wa yimile hi lenzhako ka yontlhe a yindlu ya ka Juda.

Nehemia 4:18

A vaaki, munwe munwani i wa hi ni supado laha reveni gakwe, na va kari va aka. A mubi wa mpunzu i wa kusuhani na mina.

Tisimu 149:6

A tisimu ta Nungungulu a tive milonwini yabye, Ni supado ya wukari gimbiri mandleni yabye; Efe. 6:17; Maheb. 4:12

Xizimba xa ka Solomoni 3:8

Vontlhe va hlomile tisupado, tinghwazi ta kulwa; Munwe ni munwani i nani supado xiwunwini xakwe, Kasi ku mu lwela kuchaveni ka wusiku.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Joeli 2:8

A va manyani, munwe ni munwani i famba hi ndlela yakwe; va ti susumeta hehla ka matlhari, a va tsiki tixaxa tabye.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

1 Va le Korinte 16:9

hakuva seyo nzi vululelwe a nyangwa ya hombe ya ntiro; ni kambe ku na ni valala vanyingi. Miti. 14:27; 2 Kor. 2:12; Kuv. 3:8

1 Va le Korinte 9:12

Loku vanwani va hi ni fanelo leyi xikari ka nwina, xana hina a hi hunzisi ke? Ahembaloko a hi tirisangi a fanelo leyi, hakuva hi timisela zilo zontlhe, kasi hi nga veki xikhubekiso ka ivangeli ya Kristu. 2 Kor. 11:7

2 Va le Korinte 6:7

na hi wulawula zinene, na hi ntamu wa Nungungulu, ni matlhari ya kululama a canjeni ga xinene ni ga xibhabha, 1 Kor. 2:4; 2 Tim. 4:7

Va le Filipi 1:28

na mu nga dzukiswi ha nchumu hi valala. A kutiya ka nwina xikombiso ka vona xa kulobyiswa kabye, kanilezi ka nwina xi tava xa kuhanyiswa ka nwina, ni lexi xita hi ka Nungungulu. Isa. 41:10; Mat. 10:28; Rom. 8:17; Maheb. 13:5

2 Timote 2:3

Xaniseka zikaratweni zinwe na mina, kota a sochwa go saseka ga Kristu Jesu.

2 Timote 4:7

Nzi lwile a kulwa ko saseka, nzi mbhetile a kutsutsuma ka mina, nzi gongole a kukholwa.