Nehemia 2:17 - Tshwa Bible

¹⁷ Zonake nzi te ngalo kabye: Ma yi wona mhango leyi hi nga ka yona, lezi a Jerusalema gi hahlulisilweko zona, ni kuhiswa ka tivati hi nzilo. Ngonani hi ta vuxa a ligingisi ta Jerusalema, kasi hi nga have xihlekiso kambe.

Nehemia 2:17 Mawu Ofanana

Ezra 9:9

Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Nehemia 1:3

Vaku ka mina: A misalela leyi yi humileko wukhumbini, yi akileko tikweni legiya, va le kuxanisekeni ka hombe nguvu ni nzhukanweni. A ligingisi la Jerusalema kambe li khungumulwe, a tivati ta lona ni hisilwe hi nzilo. 2 Tih. 25:9

Nehemia 2:13

Nzi lo huma ni wusiku hi nyangwa ya tlhelo ga le nkoveni ngomama ni Hlowo ya Dragoni, hi tlhelo ga Nyangwa ya Wulongo, nzi cuwukisisa a ligingisi la Jerusalema leli li nga wa khungumulwe, ni tivati leti ti nga wa hisilwe hi nzilo.

Nehemia 2:16

A tihosana a ti ku tivangi lomu nzi nga wa yile, ni lezi nzi nga maha. Nzi wa nga se wuta nchumu ka vaJuda, ge hambu ka vapristi ni ka manghanakana, ni ka tihosana, hambu tava va nga maha a ntiro.

Nehemia 3:15

A nyangwa ya le xibukeni yi lo aketwa hi Xaluna, nʼwana Kolhoze, a mufumeli wa tiko ga Mizpa; i lo yi aka, a yi fulela, a yi vekela a tivati, ni zitiyiso, ni zikwinyaro za kona. I lo aka ni ligingisi la Hlowo ya Xela kusuhani ni simu ga hosi kala le mayingweni lawa ma relelako na ma sukela le mutini wa Davida.

Tisimu 102:15

Zonake a matiko ma ta chava a vito ga Jehova, Ni tihosi tontlhe ta misava ti chava wukulu ga wena.

Tisimu 44:13

Wena u lo hi maha a xiruko ka vaakelwane va hina; Hi tseketselwa ni ku hlekiwa hi lava va hi ranzelako.

Tisimu 44:14

U hi mahile a vingu xikari ka matiko, A vamatiko va hi zivizela tihloko.

Tisimu 79:12

Hosi, tlhelisela hi ka ntlhanu ni kumbiri a xifuveni xa vaakelwane va hina A nzhukano leyi va ku rukileko ha xona.

Tisimu 79:4

Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Mikosi 2:2

A Hosi yi hahlula yontlhe a miti ya ka Jakobe, na a nga hi na kutsetsa. Hi zanga yakwe i khungumule a makhokhola ya nhanyana wa ka Juda, I ma wisile lahasi, a onha a mufumo ni tihosi ta kona.

Mikosi 3:51

A mahlo ya mina ma nzi xanisa, Hi kota ya vontlhe vanhwana va muti wa mina.

Ezekieli 5:14

Tlhatakumbiri nzi ta ku maha xiwula ni xiruko xikari ka matiko lawa ma ku ranzeleko a kuwoneni ka vontlhe vahunzi.

Mika 7:11

Hi siku ga kuaketwa ka makhurisi ya wena a mimbhingano ya wena yi ta tshinetwa kule.

1 Samueli 11:2

Nahaxi, a muAmoni, i lo va hlamula, aku: Nzi ta maha xivumelwano na nwina hi ndlela leyi: Nwina nwentlhe, a munwe ni munwani nzi ta mu bhoxa a tihlo ga xinene, nzi veka lexo xiruko hehla ka vontlhe va ka Israeli.