Nehemia 12:43 - Tshwa Bible

⁴³ Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.

Nehemia 12:43 Mawu Ofanana

2 Kronekele 20:13

Vontlhe vaJuda va lo yima mahlweni ka Jehova zinwe ni vanana vabye, ni vasati vabye ni vana vabye.

2 Kronekele 20:27

Zonake vontlhe vaJuda ni va le Jerusalema va lo tlhelela Jerusalema hi kutsaka; Jehoxafate i lo ranga mahlweni kabye, hakuva Jehova i wa va tsakisile hi ku va ponisa ka valala vabye.

2 Kronekele 7:10

Hi siku ga 23 ga hweti ya wu 7 Solomoni i lo hangalasa vanhu va ti yela matendeni yabye na timbilu tabye ti tsakile, hakuva Jehova i katekisile Davida na Solomoni ni va ka Israeli, a vanhu vakwe.

Ezra 3:13

Zinghaho ku wa nga hi kona munhu a nga wa zi kota ku hambanyisa a guwa ga kutsaka ni ga kurila ka vanhu; hakuva va wa maha a guwa ga hombe gi nga wa zwala kule.

Nehemia 12:27

A xikhati xa kunyikelisiswa ka ligingisi la Jerusalema, ku lo vitaniswa vaLevi lomu mitini yontlhe, vaya Jerusalema, va ta nyikelisisa a ligingisi hi kutsaka, na va nyika kubonga, va yimbelela hi tingomana, ni timbila, ni zitende.

Nehemia 12:42

Maaseia, na Xemaia, na Elezari, na Uzzi, na Jehohanani, na Malkija, na Elami, na Ezeri. A vayimbeleli va wa yimbelela na va rangelwa hi Jezrahia.

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Tisimu 27:6

Makunu a hloko ya mina yi ta tlakuswa hehla ka valala va mina lava va nzi ranzelako; Nzi ta nyikela a miphahlo ya kutsaka lomu tendeni gakwe; Nzi ta yimbelela, ina, nzi ta dumisa Jehova.

Tisimu 28:7

Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

Tisimu 9:2

Nzi ta tsaka, nzi nengela ha wena; Nzi ta dumisa a vito ga wena hi tisimu, Wena u Hunzeleleko Kutlakuka.

Tisimu 92:4

Hakuva wena Jehova wa nzi tsakisa hi mitiro ya wena, Nzi ta huwelela hi litsako hi kota ya mitiro ya mandla ya wena.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Jeremia 31:13

Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Mitsengo 10:10

Hambu masikwini ya nwina ya kutsaka, ni lomu mibuzweni ya nwina, ni kusanguleni ka hweti, mu taba mipunzu, na mu kari mu nyikela miphahlelo ya kuhiswa ni ya kubonga yi maha lezaku mu alakanyiwa mahlweni ka Nungungulu wa nwina. Hi mina Jehova, Nungungulu wa nwina. Va ka Israeli va andlamuka le Sinai.

Mateu 21:15

Kanilezi laha a vapristi va hombe ni vatsali va nga wona a zirewukiso lezi a nga zi maha, ni vanana lava va nga kanyuluka lomu tempeleni, vaku: Hozana ka Nʼwana Davida, va lo zangara,

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Va le Efesusi 5:19

mu wulawula munwe ni munwani hi tixangu ni tisimu ni zizimba za moya, mu yimbelela ni ku ketsela hi timbilu ta nwina ka Hosi; Jak. 5:13

Jakobe 5:13

Loku a hi kona xikari ka nwina loyi a xanisekako, ngha a khongela; loku a hi kona leyi a xaleleko, ngha a yimbelela kubonga.

1 Samueli 4:5

Laha a arke ga xivumelwano xa Jehova gi nga wa chikele lomu wugovelweni, a vontlhe vaIsraeli va lo hlalela hi guwa ga hombe ga kutsaka laha kaku ni misava yi tsekatseka.