Nehemia 12:39 - Tshwa Bible

³⁹ ni le hehla ka nyangwa ya va ka Efraime, ni nyangwa ya Kale, ni nyangwa ya Zidluwani, ni le khokholeni ga Hananeli, ni ga Hamea, kala nyangweni ya Tiyivu; va lo ya yima le nyangweni ya paxo.

Nehemia 12:39 Mawu Ofanana

2 Tihosi 14:13

Joaxi a hosi ya ka Israeli i lo khoma Amazia a nʼwana Joaxi wa Ahazia a hosi ya ka Juda le Bet-Xemexe; i loya le Jerusalema a ya khungumula a ligingisi la Jerusalema kusukela laha nyangweni ya ka Efraime kala le nyangweni ya le khuzwini, 400 wa mikono.

Nehemia 12:40

Zinghaho yi lo yima a mitlawa leyi yimbiri yi nga wa yimbelela lomu ndlwini ya Nungungulu, mina na nzi yimile tlhelo ni khihlanya ga tinduna;

Nehemia 3:1

Zonake mupristi wa hombe Eliaxiba i lo suka ni vanakulobye, a vapristi, va aka a nyangwa ya Tiyivu; va lo yi basisa, va yi vekela tivati ta kona; va tlhela kambe va aka a ligingisi kala le khokholeni ga Hamea, Va gi basisa, kala va ya chikela khokholeni ga Hananeli. Jer. 31:38

Nehemia 3:25

Palala nʼwana Uzai i lo aka kusukela gwitsini ga ligingisi kala le khokholeni legi gi wonekako le hehla ka yindlu ya hosi, gi nga kusuhani ka hubye ya varinzeli. Anzhako kakwe ku lo gamela Pedaia nʼwana Paroxi.

Nehemia 3:3

A nyangwa ya Zidluwani yi akilwe hi vana va Hasenaa; va lo yimisa timhanze ta kona, va vekela tivati ta kona, ni zitiyiso ni zikwinyaro.

Nehemia 3:6

A nyangwa ya kale yi aketilwe hi Joiada nʼwana Pasea na Mexulamu nʼwana Besodeia; va lo yimisa a timhanze, va vekela a tivati, ni zitiyiso, ni zikwinyaro za kona.

Nehemia 8:16

Zinghaho a vanhu va lo huma va ya tsema maravi lawo, va ta ti akela mixaxa, munwe ni munwani a ti akela le hehla ka langwa la yindlu yakwe, ni lomu mitsenzeleni yabye, ni lomu mitsenzeleni ya yindlu ya Nungungulu ni laha tsenzeleni wa nyangwa ya Mati, ni laha tsenzeleni wa nyangwa ya ka Efraime.

Jeremia 31:38

Languta, a masiku mata, ku wula Jehova, lawo a muti wu to akeliwa Jehova ha wona, a kusukela khokholeni ga Hananeli kala nyangweni ya khuzu.

Jeremia 32:2

A ka xikhati lexo a tiyimpi ta hosi ya Babuloni ti lo vimbezela Jerusalema. A muprofeti Jeremia i wa valelwe hubyeni ga vanyakasani, a ndlwini ya hosi ya ka Juda. 2 Tih. 25:1

Zefania 1:10

Hi siku lego, ku wula Jehova, ku ta zwala xirilo lomu Nyangweni ya Zidluwani, ni hlomulo hi tlhelo ga xipanze xiswa xa muti, ni guwa ga hombe hi le xitsungeni. 2 Tih. 22:14; Neh. 3:3

Johani 5:2

Le Jerusalema xi kona a xitivana laha Nyangweni ya Tiyivu, xi vitwako hi xiHeberu ku ngalo Betesda, xi nga ni ntlhanu wa tigumbagumba. Neh. 3:1; 12:39