Nehemia 10:37 - Tshwa Bible

³⁷ Ni ku neha lezi zi hlawulekako za mapa ya hina, ni za minyikelo ya hina ya kunziwitela, ni za mihanzu ya tisinya ta tixaka tontlhe, a vinya, ni mafura, hi zi nyika ka vapristi va nga tikwarutwini ta yindlu ya Nungungulu wa hina; hi nyikela a za wukhume za misava ya hina ka vaLevi, hakuva vona vaLevi va teka za wukhume lomu mitini yontlhe leyi yi nga ni masimu lomu tikweni ga hina. Levi 23:17; Mitse. 15:19

Nehemia 10:37 Mawu Ofanana

2 Kronekele 31:6

A va ka Israeli ni va ka Juda lava va akileko lomu mitini ya va ka Juda, vonawu va lo neha za wukhume ga zifuyo za hombe ni za zitsongwani, ni za wukhume ga zilo zi basiselweko Jehova Nungungulu wabye, va maha tinhulu ha zona.

Nehemia 13:10

Nzi lo kuma lezaku a ziavelo lezi zi nga wa fanele kuva zi nyikelwe ka vaLevi, a zi nyikelwangi, ni lezaku a vaLevi ni vayimbeleli va wa hangalakile, munwe ni munwani a ti yela sinwini gakwe.

Nehemia 13:12

Zonake a tiko gontlhe ga Juda gi lo neha a za wukhume za mavele ni vinya ni mafura lomu wuveketelweni.

Nehemia 13:5

I lo mu longisela a kwaruto ya hombe, leyi kusanguleni yi nga hi wuhlayiselo ga minyikelo ya mapa, ni mipepo, ni zibya, ni za wukhume za mavele, ni vinya, ni mafura, lezi a nayo wu nga leletela ku nyika vaLevi, ni vayimbeleli, ni varinzeli va tinyangwa, ni minyikelo ya kunziwitela ya vapristi.

Nehemia 13:9

Zonake nzi lo rumisa lezaku a tikwaruto ti basiswa, nzi wuyisa kambe a zibya za yindlu ya Nungungulu, ni minyikelo ya mapa, ni ya mipepo.

Eksodusi 13:12

u ta hendleleta ka Jehova a matewula wontihe, ni matewula wontihe ya zifuyo za wena; zontlhe za matewula na zi hi za vamatsune zi tava za Jehova.

Eksodusi 13:2

Zontlhe za matewula xikari ka vanana va ka Israeli, a vanhu hambu zifuyo, zontlhe za mina. Mitse. 3:13; Lu. 2:23

Levi 23:17

Mu ta neha zibaba zimbiri za munyikelo wa ku nziwitela, na zi hi lezi zi humako mitini ya nwina, na zi hi za tipimo timbiri ta wukhume ta efa ga mapa yo saseka lezi zi bhikilweko ni comelo; hi yona mihanzu yo ranga ya Jehova.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Malaki 3:8

A munhu a nga zi kota ku yivela Nungungulu ke? kasike nwina ma nzi yivela. Kanilezi mu ngalo: Xini hi ku yiveleko? Hi zawukhume ni minyikelo. Mitse. 18:24; Neh. 10:37; 12:44

Mitsengo 18:15

A matewula wontihe ya nyama yontlhe lawa ma nyikelwako ka Jehova, kutani nja vanhu, kutani nja zifuyo, ma tava ya wena. Ntsena lezaku u ta tirula matewula ya vanhu, ni matewula ya lezi zi nga hlazekangiko. Ekso. 13:2, 12; 34:19

Mitsengo 18:18

A nyama ya kona yi tava ya wena, zinwe ni xifuva xi nziwitelweko, zinwe ni nenge wa xinene. Ekso. 29:26; Levi 7:34

Mitsengo 18:21

Languta, mina nzi nyikile a vanana va ka Levi, a minyikelo ya zontlhe za wukhume, lezi zi humeswako hi va ka Israeli, zi tava tshomba yabye, hi kota ya ntiro lowu va tirako lomu ka tenda ga mutlhangano.

Va le Roma 11:16

Loku a xibaba xo sangula xi basile, yi basile ni mbila yontlhe; ni loku a mutsu wu basile, ma maha lezo ni maravi. Levi 23:10

Deuteronome 14:22

Wena u ta susa xipanze xa wukhume ka zontlhe lezi zi ta nga huma ka timbewu ta wena, ni lezi zi ta nga mila lomu masinwini ya wena, wontihe malembe.

Deuteronome 18:4

Ni kambe u ta mu nyika a mihanzu yo ranga ya mavele ya wena, ni ya vinya ga wena, ni ya mafura ya wena, ni woya go ranga ga tiyivu ta wena;

Deuteronome 26:2

u ta teka mihanzu yo ranga yontlhe leyi u yi kumileko lomu tikweni legi Jehova Nungungulu wa wena a ku nyikileko gona, u yi chela lomu xirunzwini, u famba nayo ka wutshamu lego Jehova Nungungulu wa wena a ta nga gi hlawula ku aka a vito gakwe laho.