Nehemia 10:29 - Tshwa Bible

²⁹ Va lo namarela ka vanakulobye, ma nga manghanakana yabye, va enghena navo kuhlambanyeni ni xifungweni xa ku maha milayo ya Nungungulu leyi va nga wa nyikilwe hi Mosi a nanza ga Nungungu, ni ku hlayisa va maha zontlhe zileletelo za Jehova a Hosi ya hina, a ziyimiso ni zilayelo zakwe;

Nehemia 10:29 Mawu Ofanana

2 Tihosi 10:31

Kanilezi Jehu a nga khatalelangi ku famba hi milayo ya Jehova Nungungulu wa ka Israeli. A nga tsikangi a zionho za Jeroboamu lezi a nga onhisa ha zona va ka Israeli.

2 Tihosi 23:3

A hosi yi lo yima hi laha nyangweni yi maha xivumelwano mahlweni ka Jehova lezaku i ta lanzela Jehova, a hlayisa milayo yakwe, ni timhaka takwe, ni zileletelo zakwe hi mbilu yakwe yontlhe, ni muhefemulo wakwe wontihe, ni kutiyisa ka timhaka ta xivumelwano lexi, leti ti tsalilweko lomu bhukwini legi. A vanhu vontlhe va lo ti boha xivumelwaneni lexo. Jox. 24:25

1 Kronekele 9:2

A vaaki vo sangula lomu ka matiko yabye va wa hi va ka Israeli, ni vapristi, ni vaLevi, ni vaNetinime.

2 Kronekele 34:31

A hosi yi lo yima wutshanwini ga yona yi maha xivumelwano mahlweni ka Jehova ku lanzela Jehova ni ku hlayisa milayo yakwe, ni wukustumunyu gakwe, ni zileletelo zakwe, hi mbilu yakwe yontlhe, ni muhefemulo wakwe wontihe, ni ku lanzela a timhaka ta xivumelwano leti ti tsalilweko lomu bhukwini.

2 Kronekele 6:16

Jehova Nungungulu wa ka Israeli makunu maha ka dadani wa mina, a nanza ga wena Davida, lezi u mu tsumbisileko zona, uku: Cima ku nga ta vumaleka ni siku ginwe mahlweni ka mina a munhu loyi a ta nga tshama xitshanwini xa wuhosi xa ka Israeli, loku a vana va wena hakunene va hlayisa tindlela tabye, va famba hi milayo ya mina khwatsi hi lezi u fambisileko zona wena mahlweni ka mina.

Nehemia 13:25

Nzi lo va holovela, nzi va rukatela, a vanwani va kona nzi vaba, nzi hlurula misisi yabye, nzi va hlambanyisa hi Nungungulu, nziku: Mu nga lowolisi a vanhanyana va nwina ka vafana vabye, ge hambu ku lowota a vafana va nwina a vanhanyana vabye, ge hambu ku ti lowolela nwina wutsumbu. Deut. 7:3; Ezra 9:2

Nehemia 7:46

A vaNetinime: a vana va Ziha, ni vana va Hasufa, ni vana va Tabaote,

Nehemia 8:2

Mupristi Ezra i lo neha milayo leyo mahlweni ka hlengeletano ya vavanuna ni vavasati, ni vontlhe lava va nga wa zi kota ku yizwa va yi pimisisa, hi siku go ranga ga hweti ya wu 7.

Nehemia 8:3

I lo yi gonza na yimile mahlweni ka tsenzela lowu wu nga hi laha mahlweni ka nyangwa ya Mati, kusukela ni mixo kala hlikanhini, a yi gonza mahlweni ka vavanuna ni vavasati, ni lava va nga wa zi kota ku yi pima. A tindleve tabye vontlhe ti wa pangele a bhuku ga milayo.

Nehemia 9:2

A pswalo wa ka Israeli wu lo ti hambanyisa ni vontlhe vamatiko, va yima va wulela zionho zabye, ni zihambunyeto za vararu vabye.

Nehemia 9:38

Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.

Tisimu 105:45

Lezaku kasi va hlayisa a ziyimiso zakwe, Va gonga milayo yakwe. Dumisani Jehova! Deut. 6:24

Tisimu 119:106

Nzi hlambanyile, nza zi tiyisa Lezaku nzi ta hlayisa a zilayelo za wena zi lulamileko.

Tisimu 8:1

Jehova, Hosi ya hina, Gi dzunzekisile kuyini a vito ga wena misaveni yontlhe! Wena loyi u ti yimisaleko a wukosi ga wena hehla ka matilo. Hab. 3:3; Kuv. 5:12

Tisimu 8:9

Jehova, Hosi ya hina, Gi dzunzekisile kuyini a vito ga wena misaveni yontlhe!

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Jeremia 26:4

Va byele, uku: Jehova i ngalo: Loku mu nga nzi ingisi, mu famba hi nayo wa mina, lowu nzi mu nyikileko wona,

Jeremia 34:15

Makunu mu wa hunzulukile, mu maha lezi zi lulamileko mahlweni ka mina, hi kuba hungu hi kutlhatlheka munwe ni munwani ka muakelwane wakwe; mu wa mahile a xivumelwano zinwe na mina lomu ndlwini leyi yi vitwako hi vito ga mina.

Ezekieli 36:27

Nzi ta mu chela a Moya wa mina nzeni ka nwina, nzi mu fambisa zilayelweni za mina, mu ta hlayisa a zileletelo za mina, mu zi maha.

Levi 20:26

Nwina mu tava va basileko ka mina, hakuva mina Jehova nzi basile; nzi mu hambanyisile xikari ka manwani matiko, kasi mu fela kuva vanhu va mina.

Malaki 4:4

Alakanya a nayo wa Mosi a nanza ga mina, lowu nzi wu leleteleko ka vontlhe va ka Israeli ha yena le Horebe, zi nga zilayelo ni zileletelo. Ekso. 20:1; Deut. 6:1; Maheb. 3:5

Mitsengo 5:21

(zonake mupristi i ta hlambanyisa wasati hi xifungo xa hombe, aku ka yena:) Loku ziva tano, Jehova a ku nyikele nzhukanweni ni kunyenyezeni lomu tikweni ga nwina, a wunisa mahangaswa ya wena, ni ku vimbisa a rumbu ga wena,

Johani 1:17

Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Johani 15:14

Nwina mu maxaka ya mina, loku mu maha lezi nzi mu leletelako. Mat. 12:50

Johani 7:19

Xana Mosi a nga mu nyikangi a nayo ke? Hambu zi hi tano, a nga kona munwe wa nwina a gongako nayo. Hikuyini mu lava ku nzi daya? Ekso. 24:3; Deut. 33:4; Miti. 7:38; Mat. 12:14

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 17:34

Kanilezi a vanhu vo kari va lo namarela ka yena, va kholwa; xikari ka vona ku wa hi na Dionisi a muAreopagu, ni wasati a vito gakwe a nga hi Damari, ni vanwani va nga wa hi navo.

Mitiro 23:21

Kanilezi u nga va vumeli; hakuva va mu xiyelele a 40 wa vavanuna va hlamusa, lava va hlambanyileko hi xifungo xaku va nga taga ge ni kunwa kala va mu daya Paule; va longile makunu, na va cuwukela a kutsumbisa ka wena ntsena.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Deuteronome 33:4

Mosi i hi leletele a nayo, Yi nga yona a tshomba ya hlengeletano wa Jakobe.

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Deuteronome 5:32

Chelani kota, mu maha kota lezi Jehova Nungungulu wa nwina a mu leleteleko; mu nga hambukeli xineneni, hambu xibhabheni,