Nahume 2:9 - Tshwa Bible

⁹ Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.

Nahume 2:9 Mawu Ofanana

2 Kronekele 36:10

Lomu kusanguleni ka lembe gi gamelako, hosi Nebukadnezare i lo rumela vanhu va ya mu khoma va mu yisa Babuloni zinwe ni zibya lezo zo saseka za yindlu ya Jehova. I lo yimisa nakulobye Zedekia a kuva hosi ya ka Juda ni Jerusalema.

Isaya 33:1

Khombo ka wena loyi u onhako na cima wena u nga onhiwangi; Wena muphangi, loyi u nga phangiwangiko; Loku u mbhetile ku onha, u ta onhiwawu, Ni loku u mbhetile ku phanga, u ta phangiwawu!

Isaya 33:4

A muphango wa nwina wu ta tekiwa khwatsi hilezi a pungwani wu tekisako zona, Va ta ti hoxa ka wona khwatsi hi humbi yi nzulanzulako.

Jeremia 25:34

Nwina varisi,: huwelelani mu rila; Puluwunzani khumeni nwina vahombe va ntlhambi; Hakuva a masiku ya kuchabyiwa ka nwina ma tshinele. Nzi ta mu hangalasa, mu tawa Kota a xibya xa lisima.

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 51:56

Hakuva a muhlaseli i tele yena Babuloni, a tinhenha takwe ti khomilwe, a mawura ya tona ma tshoveletelwe; hakuva Jehova i Nungungulu atlheliselako, futsi i ta phota.

Ezekieli 26:12

Va ta phangaa titshomba ta wena, va wutla a wukwewu ga wena, Va ta khungumula a tigingisi ta wena ni tiyindlu ta wena to saseka; Va ta hoxa maribye ya wena, ni timhanze ta wena ni ntshuri wa wena lomu matini.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Nahume 3:17

A tihosana ta wena ti khwatsi i humbi, ni vatongi va wena ve khwatsi i tsunzu wa bhanzala, legi gi tshamako lomu makhuhwini hi siku go titimela, kanilezi loku a gambo gi huma gi hangalaka, gi nga tibyiwi laha gi yileko kona.

Kuvululelwa 18:12

a zibya za nzalama ni siliva, ni maribye ya ntsengo wa hombe, ni maperola, ni tinguwo ta wukene, ni ziwunguwungu, ni seda, ni leti to pswhuka; ni tisinya tontlhe to nuhela, ni zibya zontlhe zi mahilweko hi timhonzo ta tindlovu ni tisinya ta ntsengo wa hombe, ni za suku ni ziketse ni maribye yo basa;

Kuvululelwa 18:16

vaku: Yowe, yowe, a muti lowu wa hombe, lowu wu nga ambele tinguwo ta wukene, ni ziwunguwungu ni to pswhuka, wu bombisilweko hi nzalama ni maribye ya ntsengo wa hombe ni maperola! Xip. 17:4