Nahume 2:8 - Tshwa Bible

⁸ Ni kale Niniva i wa ku khwatsi i tiva ga mati; kanilezi va tsutsuma, vaku: Yimani, yimani! Kanilezi a ngakona ni munwe a cuwukako nzhako.

Nahume 2:8 Mawu Ofanana

Genesisi 10:11

I lo suka tikweni lego aya Siria, i lo ya aka Niniva, ni Rehobote-Ire, ni Kala,

Isaya 13:14

Va taku khwatsi hi pfundla wu hlongoliswako, Vaku khwatsi hi tiyivu ti nga hiko na muhlayisi, Munwe ni munwani i ta tlhelela ka va ka kabye, Vontlhe va tsutsumela matikweni yabye.

Isaya 38:14

Nzi wa rila kota mbewulwani, ni kukotisa a nyawukolwe, Nzi tsikwila kota tuva, A mahlo ya mina ma wa karala hi ku cuwuka le hehla; Jehova, nzi le kubayisekeni, nzi hlangute!

Isaya 47:13

U ti karatile hi kuya tinʼangeni tinyingi, Lava va pimako hi matilo, ni laʼva cuwukako tinyeleti, Ni lava va vumbako xikhatini xa hweti yiswa, A va ku ponise ka lezi zi ta nga humelela ka wena.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 59:11

Hina hontlhe hi dzumadzuma khwatsi hi maurso, Hi tsikwila kukotisa matuva; Hi langutela kululama, hi nga ku woni; Hi cuwukela kuhanyiswa, kanilezi kuva kule na hina.

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 47:3

Hi kota ya zigingi za mahaxi yakwe, Ni guwa ga kutsutsuma ka tikareta takwe, Ni guwa ga maranzani ya tona, A vabeleki a va ha cuwuki vanana vabye hi kota ya kurereka ka mawoko,

Jeremia 50:16

Hihiritani a varimi va le Babuloni, ni lava va khomako a sikela xikhatini xa kuhula. Hi kota ya ku chava a supado leyi yi dayako a munwe ni munwani a tlhelele ka va ka kabye, a tsutsumela tikweni gakwe.

Jeremia 51:13

Wena loyi u akileko lomu micongweni yo tala, u na nga ni titshomba tinyingi, a kugumelwa ka wena ku chikele, a wukamba ga wena gi mbhelile. Kuv. 17:1

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Nahume 1:1

A xiprofeto ha Niniva. A bhuku ga muwoniso wa Nahume wale Elkoxe.

Nahume 3:17

A tihosana ta wena ti khwatsi i humbi, ni vatongi va wena ve khwatsi i tsunzu wa bhanzala, legi gi tshamako lomu makhuhwini hi siku go titimela, kanilezi loku a gambo gi huma gi hangalaka, gi nga tibyiwi laha gi yileko kona.

Kuvululelwa 17:1

Ku lota yinwe ya tingelosi ta ntlhanu ni timbiri leti ti nga hi ni ntlhanu wa mikhelo ni yimbiri, yi ta wulawula na mina, yiku: Ngona laha, nzi ta ku komba a kulamulwa ka xibhayi xa hombe lexi xi tshamileko lomu matini yo tala, Nah. 3:4; Xip. 18:16, 17, 19; 21:9

Kuvululelwa 17:15

Yi lo engeta yiku ka mina! A mati lawa u nga ma wona, laha xi tshamileko kona xibhayi, hi mifumo, ni zidlemo, ni matiko, ni tirimi. Isa. 8:7