Nahume 1:5 - Tshwa Bible

⁵ A zitsunga za tsekatseka: mahlweni kakwe, ni miganga ya nyeka; a misava ya kukumuka mahlweni kakwe, a tiko ni zontlhe, zi tshamako ka gona. Ekso. 19:18; Joeli 3:16; Mika 1:4

Nahume 1:5 Mawu Ofanana

2 Samueli 22:8

Zonake a misava yi lo tsekatseka yi rurumela, Ni ziseketelo za tilo zi lo ninginizwa, Zi tsekatsekiswa hakuva yena i wa zangarile.

Joba 26:11

A timhanze ta tilo ta rurumela, Ti chabyiswa hi kukawuka kakwe.

Joba 9:5

Loyi a kunulako zitsunga, zi nga zi tivi; Loyi a zi wumbulutako hi zanga yakwe;

Tisimu 104:32

I cuwuka misava, yi rurumela, A khumba zitsunga, zi huma musi.

Tisimu 114:4

A zitsunga zi lo tlulatlula kukotisa tihamba, Ni miganga kukotisa tiyivana.

Tisimu 114:6

Na nwina zitsunga, mu tlulatlulela yini ku fana ni tihamba? Na nwina miganga, lezi mu nga ku khwatsi mu tiyivana?

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 18:8

Ku lo huma musi hi lomu tinhovini takwe, Hi nonwini wakwe ku lo huma nzilo wu lovisako, Ku lo huma kambe ni makhala ma vurako. Ekso. 19:18

Tisimu 46:6

A matiko ma maha pfilupfilu, ni mifumo yi tsekatsekiswa, I lo zwata gezu gakwe, misava yi nyeka.

Tisimu 68:8

A misava yi lo tsekatseka, Ni matilo ma lo nyeka mahlweni ka Nungungulu. Na Sinai i lo rurumela mahlweni ka Nungungulu, A Nungungulu wa Israeli. Ekso. 19:16, 18; Vala. 5:4

Tisimu 98:7

A bimbi ngha gi dzinza, ni lezi zi nga ka gona, A tiko ni lava va tshamako ka gona.

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 24:20

a misava yi ta dedereka ku fanana ni xidakwa; yi ta hohloka ku fanana ni xaxa. Yi bhinziwa hi zihambunyeto za yona; yi tawa, yi nga ha vuki kambe.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Ezekieli 38:20

kasi a zidluwani za bimbi, ni tinyanyani ta tilo, ni zihari za khwati, ni zontlhe zikokakoka za misava, ni vontlhe vanhu va nga laha misaveni, zi ta rurumela mahlweni ka mina; a zitsunga zi ta khungumuka, a maribye ma tawa, ni makhurisi wontihe ma tawa lahasi,

Joeli 2:10

A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.

Amosi 9:5

Hakuva a Hosi, a Jehova wa tiyimpi, loyi a khumbako misava yi nyeka, kasi vontlhe va tshamako ka yona vaba nkosi, yi kukumuka ku fanana ni congo wa Nilo, yi tlhela yi bohla kukotisa congo wa le Gipite; Vala. 5:4; Nab. 1:5

Mika 1:4

A zitsunga zi ta nyeka lahasi kakwe, ni mikova yi ta khayeka khwatsi i sera mahlweni ka nzilo, ni kukotisa mati loku ma halatwa laha nzhelelweni. Ekso. 19:18; Am. 9:5

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Zakaria 4:7

Wena xitsunga xa hombe, u xini mahlweni ka Zerubabeli? U ta maha livala ntsena. I ta veka a ribye ga le hehla na ku huwelelwa ku ngalo: A wuxinji, a wuxinji a give ka gona!

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 27:51

Languta, a xisirelo xa tempeli xi lo hanzuka hi laha xikari, kusukela hehla kala lahasi; a misava yi lo tsekatseka, a maribye ma panzeka; Ekso. 26:31; 2 Kro. 3:14; Lu. 23:45

Mateu 28:2

Zonake ku wa hi kona a kutsekatseka ka hombe ka misava, hakuva a ngelosi ya Hosi yi lo relela hi le tilweni, yi ta wumbuluta a ribye, yi tshama hehla ka gona. Lu. 24:4; Joh. 20:12

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 6:14

A tilo gi lo suswa khwatsi hi bhuku loku gi: songiwa; ni zitsunga zontlhe ni zihlale zi lo suswa wutshanwini ga zona. Isa. 34:4; Jer. 3:23; Xip. 16:20

Valamuli 5:5

A zitsunga zi lo khulunga mahlweni ka Jehova, Na yena Sinai, le mahlweni ka Jehova Nungungulu wa ka Israeli.