Mutshawuteli 9:8 - Tshwa Bible

⁸ A tinguwo ta wena ngha tiva leti ti basileko masiku wontihe, a hloko ya wena yi nga tshami yi nga hi na mafura.

Mutshawuteli 9:8 Mawu Ofanana

2 Samueli 14:2

I lo ruma a vanhu vaya Tekoa va ya vitana a xitlhatlha xa wasati, a taku kakwe: Ti mahisa uku khwatsi u muhlaluki, u ambala tinguwo ta xirilo; u nga toli mafura, kanilezi u ti mahisa ku khwatsi u wasati loyi xi nga xikhati xo leha na u kari u hlaluka.

2 Samueli 19:24

Na Mefiboxete nʼwana Saule i lota ku ta khinga hosi; i lota na a nga ambexangi mikonzo yakwe, hambu ni ku xamula xilevu xakwe, hambu ku hlaza tinguwo takwe kusukela lego siku a hosi yi nga famba ha gona kala lezi a hosi yi wuyileko hi kurula.

Estere 8:15

Mordekai i lo Suka mahlweni ka hosi na ambele a tinguwo ta wukosi ta wukuxe ni to basa, na hi ni xidlodlo xa hombe xa nzalama, ni bhaji go saseka go mahiwa hi wukene go zirila. A muti wa Xuxani wu lo kanyuluka hi kutsaka.

Tisimu 23:5

Wena wa nzi longisela a meza mahlweni ka valala va mina, U totile a hloko ya mina hi mafura, A gombe ga mina ga pupuma.

Danieli 10:3

Nzi wa ngagi kuga ko nanziha, a nyama ni vinya a zi na nga enghena nonwini wa mina, ge hambu ku ti tota kala ma mbhela maviki lawo ya manharu.

Amosi 6:6

Va nwela vinya lomu mingelweni, va tola mafura ya lisima; kanilezi a va khataleli a hlokiselelo wa Josefa.

Mateu 6:17

Kanilezi wena laha u yilako, tota a hloko ya wena, ni ku hlamba a nghohe ya wena,

Luka 7:46

Wena a ku totangi a hloko ya mina hi mafura; kanilezi yena i totile mikonzo ya mina hi mafura yo nuhela. Tis. 23:5

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18

Kuvululelwa 19:14

Ni mabutho ya le tilweni ma lo mu lanzela, na ma khilele mahaxi yo basa, na ma ambele a tinguwo to saseka ta wukene ti basileko tiku pa. Mat. 28:3; Xip. 14:20

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11

Rute 3:3

Hikwalaho hlamba, u tola mafura, u ambala tinguwo ta wena uya le nzhimbyeni. Kanilezi u nga ti tivekisi kakwe na a nga se mbheta kuga ni kunwa.