Mutshawuteli 9:7 - Tshwa Bible

⁷ Famba, u yaga kuga ka wena hi kutsaka, unwa vinya ga wena hi mbilu yi tsakileko; hakuva Nungungulu i sina a amukele a mitiro ya wena. Lu. 12:19; 1 Kor. 15:32

Mutshawuteli 9:7 Mawu Ofanana

Genesisi 12:19

U wulele yini ku ngalo makwenu, kala nzi mu teka akuva sati wa mina ke? Languta, hi loyi a sati wa wena, mu teke u famba.

1 Tihosi 8:66

Hi siku ga wu 8 i lo fambisa vanhu; na vona va lo katekisa hosi va tlhelela matendeni yabye hi kutsaka ni kubonga ka mbilu, hi kota ya zikateko zontlhe lezi Jehova a maheleko a nanza gakwe Davida ni vanhu vakwe va ka Israeli.

Mutshawuteli 10:19

A mubuzo wu mahelwe mahleko, ni vinya gi tsakisa kuhanya; zontlhe zi kumiwa hi mali.

Mutshawuteli 11:8

Hambu loku munhu a hanya malembe yo tala, ngha a tsaka ka wona wontihe; kanilezi a a alakanye a masiku ya munyama, hakuva ma tava manyingi. Zontlhe lezi zi ta nga humelela a zi nyawuli.

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 7:14

Tsaka hi siku ga makatekwa, kanilezi a sikwini ga hlomulo alakanya lezaku Nungungulu i mahile ginwe ni ginwani, lezaku munhu a nga ta zi tiva lezi zi ta nga humela anzhako kakwe.

Mutshawuteli 8:15

Zonake nzi lo dzunza litsako, hakuva munhu a nga na xilo xa chukwana lahasi ka gambo ku hunza lezaku aga, anwa, a tsaka, hakuva hi lexo a xi bhinzuleko hi ntiro wa masiku lawa Nungungulu a mu nyikileko lahasi ka gambo.

Mitsengo 6:20

A mupristi i ta zi nziwitela mahlweni ka Jehova; lezo zi tava zilo zi basileko nguvu, zi tava za mupristi, zinwe ni xifuva lexi xi nga nziwitelwa, ni nenge wa muphahlo. Zonake anzhako ka lezo a munazira wa zi kota kunwa a vinya. Ekso. 29:27; Levi 7:31

Marku 7:29

Jesu aku ngalo kakwe: Hi kota ya gezu legi nziku ka wena, ti fambele; a dimoni gi humele ka nʼwana wa wena.

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Johani 4:50

Jesu aku kakwe: Famba, a nʼwana wa wena i hanyile. Zonake a munhu loyi i lo kholwa a gezu legi Jesu a nga wulile kakwe, a ti fambela.

Mitiro 10:35

kanilezi ka tixaka tontlhe loyi a mu chavako, ni ku maha kululama, wa amukeleka ka yena. Xip. 15:9; Rom. 2:13; 3:22

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Rute 3:7

Laha Boazi a nga wa gile, anwa, a tsaka, i lo ya etlela le magumo ka nhulu ya sevada. Rute i lota hi kunyanima a ta funungula milenge yakwe, a etlela laho.