Mutshawuteli 9:10 - Tshwa Bible

¹⁰ Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Mutshawuteli 9:10 Mawu Ofanana

Genesisi 37:35

A vafana vakwe vontlhe ni vanhanyana vakwe vontlhe va lo mu chavelela, kanilezi i lo ala ku chavelelwa, aku: Nzi ta relela nziya kufeni a ka nʼwana wa mina hi hlomulo. A raru wakwe i lo mu rilela.

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

Nehemia 2:12

zonake nzi lo vuka ni wusiku, ku wa hi mina ni vavanuna va tsongwani; ge a nzi na nga byela munhu lezi a Nungungulu wa mina a nga wa zi chelile mbilwini ya mina a kuva nzi zi mahela Jerusalema. Ne ni xihari nzi wa nga hi naxo, ahandle ka xwalexi nzi nga wa xi khilele.

Nehemia 4:2

I lo wulawula mahlweni ka vanakulobye ni ka yimpi ya Samaria, aku: Zini yi mahako mikoxa leyi ya vaJuda? Hi ta va tsika va vuxa a ntamu wabye ke? Va ta maha miphahlo ke? Va ta mbheta ntiro lowu hi siku ginwe ke? Va ta vuxa a maribye lawa ma mahileko tinhulu ta fenze hi ku hisiwa hi nzilo ke?

Nehemia 4:6

Zinghaho hi lo aka a ligingisi; lontlhe li lo tlhangana laha xikari ka kutlakuka ka lona, hakuva a vanhu va wa ti tsitsiritile ntirweni lowo.

Joba 10:21

Hi mahlweni na nzi nga se ku fambela magumo, A tikweni ga munyama, ni nzhutini wa kufa;

Joba 10:22

A tikweni ga munyama khwatsi hi xikari ka wusiku, Ni ga nzhuti wa kufa ni pfilupfilu, Laho a kuwonekela ku fananako ni munyama.

Joba 21:13

Va mbheta masiku yabye lomu mihlakanweni; Va relela vaya le Xeole hi kurula.

Tisimu 6:5

Hakuva kufeni a ka ha alakanyiwi; Himani a ta nga ku bonga le Xeole ke? Tis. 88:11; Isa. 38:18

Mavingu 3:28

U nga wuli ka muakelane wa wena uku: Famba u ta wuya kambe, zi ta ku nyika manziko! Kasi lezo lexi a xi lavako ka wena xi kona. Deut. 24:14

Mutshawuteli 11:3

Loku a marefu ma tele hi vula ma yi chulula laha misaveni; ni loku sinya yi wela tlhelo ga Dzonga kutani tlhelo ga Nwalungu, yi ta sala kwalaho yi weleko kona.

Mutshawuteli 11:6

Byala a mbewu ya wena na ga hi mixo, ni laha gambyeni u nga humuti a woko ga wena; hakuva a ku zi tivi lezaku ku ta mila yihi, leyi kutani leyiya, hambu loku ti mila hi wumbiri ga tona.

Isaya 38:10

Aku: A hlikanhini wa masiku ya mina nzi enghena tinyangweni ta Xeole. Nzi wutlelwe a masiku ya mina ma seleko. Joba 7:6

Jeremia 29:13

Mu ta nzi lava, mu ta nzi kuma loku mu nzi hlota hi mbilu ya nwina yontlhe.

Mitsengo 13:30

Zonake Kalebi i lo miyeta a vanhu, hakuva va wa zangarela Mosi; yena aku ngalo: A hi fambeni hi ya teka tiko, hakuva hakunene hi ta ya va hlula.

Mateu 20:7

Va te ngalo kakwe: Hakuva a nga kona munhu wo hi nyika ntiro. Aku kabye: Fambani na nwinawu xivineni xa mina.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Johani 4:34

Jesu aku kabye: A zakuga za mina hi ku maha a kuranza ka loyi a nzi rumileko, ni ku mbhetisa a ntiro wakwe. Joba 23:12; Xip. 6:38; 17:4

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Johani 9:4

Hi fanele a ku tira a mitiro ya loyi a nzi rumileko, na ka ha hi mumu; a wusiku gata, laha munhu a nga zi kotiko ku tira. Xip. 4:34; 5:19, 36; 11:9; 17:4

Va le Roma 12:11

Mu nga lolohi kupinyameni ka nwina; vurani moyeni, mu tirela a Hosi. Kuv. 3:15

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

1 Va le Korinte 16:10

Loku ata Timote, mahani lezaku a tshama na nwina na a nga chavi; hakuva i tira a ntiro wa Hosi khwatsi hi mina; Rom. 16:21

1 Va le Korinte 9:24

A mu zi tivi lezaku lava va palisanako ku tsutsuma va tsutsuma vontlhe, kanilezi munwe ntsena a amukelako a nchachazelo ke? Tsutsumani kota yena, kasi mu fela ku wu kuma. Maheb. 12:1

1 Va le Korinte 9:26

Mina nza tsutsuma na ku nga hi nyamutsutsume, lezo nzalwa, na ku nga hi ku khwatsi nziba mheho. 2 Kor. 5:1

Va le Efesusi 5:16

Tirisani xikhati, hakuva masiku ma bihile.

Va le Kolosi 3:23

Kani hi xihi lexi mu xi mahako, xi maheni hi mbilu; khwatsi hi loku mu tirela Hosi, na ku nga hi vanhu.

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.