Mutshawuteli 8:12 - Tshwa Bible

¹² Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Mutshawuteli 8:12 Mawu Ofanana

1 Tihosi 21:25

Kunene, a ku na nga va kona a hosi yo kota Ahabi loyi a xavisileko wutsumbu gakwe hi ku maha lezi zi bihileko mahlweni ka Jehova, hi kota ya Jezebeli sati wakwe a nga mu kucetela.

1 Kronekele 16:30

Rurumelani mahlweni kakwe, nwina misava yontlhe! A misava yi tiyile, cima yi nga ta tsekatsekiswa.

Joba 35:15

Kanilezi makunu hikuva a zanga yakwe yi nga se vindluka, Na a nga khataleli nguvu lezaku vanhu va ti kukumuxa,

Tisimu 112:1

Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.

Tisimu 115:13

Yena i ta katekisa lava va chavako Jehova, Vontlhe vatsongwani ni vahombe.

Tisimu 128:2

Hakuva u taga mihanzu ya ntiro wa mandla ya wena, U katekile, u humelela.

Tisimu 37:11

Kanilezi lava va rulako va taga tshomba ya tiko, Va ta xalaliswa hi kurula ka hombe. Mat. 5:5

Tisimu 96:9

Khozelani Jehova na mu ambele wubaswa, Mu rurumela mahlweni kakwe nwina nwentlhe va misava.

Eksodusi 1:20

Nungungulu i lo katekisa masungukati; a vanhu va lo anza va tala nguvu.

Mavingu 13:21

A kubiha ku hlongolisa vaonhi; anilezi a wunene i nchachazelo wa valulamileko.

Mavingu 28:14

I katekile a munhu loyi a nga ni livalo xontlhe xikhati; anilezi loyi a nonohisako a mbilu yakwe i ta wela khombyeni.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mutshawuteli 3:14

Nza zi tiva lezaku ni xihi lexi Nungungulu a xi mahako, xi ta simamisa kala ku pinzuka; ku hava nchumu wu nga engetelwako ka xona, hambu ku hungulwa. Nungungulu i zi mahile kasi vanhu vave ni xichawo mahlweni kakwe. Tis. 33:11; Isa. 46:10

Mutshawuteli 5:16

Kambe kubiha ka hombe, lezaku i tlhelisa lezi a nga tisa zona; i bhinzu muni a nga nago hi ku tirela mheho ke?

Mutshawuteli 5:7

Hakuva a wunyingini ga miloro ni lezi zi nga nyawuliko ku kona timhaka to tala. Kanilezi wena, chava Nungungulu.

Mutshawuteli 7:15

Zontlhe lezi nzi zi wonile masikwini ya mina ma nga nyawuliko: i kona munhu a lulamileko a lovako kululameni kakwe, ni munhu wa kubiha a hanyako masiku yo leha kubiheni kakwe.

Mutshawuteli 7:18

Zi sasekile a kuva u khomisisa ka lexi, kambe u nga tsiki lexiya; hakuva loyi a chavako Nungungulu i ta humelela ka zona zontlhe. Mat. 23:23

Jeremia 44:10

Kala nyamutlha a va se nga ti tsongahata, ge hambu ku chava, kutani ku famba hi milayo ya mina ni zileletelo lezi nzi nyikileko nwina ni vakoko ya nwina.

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Luka 1:50

A zizukulwaneni zontlhe a wuxinji gakwe gi ka lava va mu chavako.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 9:22

Nungungulu na a ranza ku wonisa a zanga yakwe ni ku kombisa a ntamu wakwe, kutani loku a timisela nguvu hi zibya lezi za zanga lezi zi longiselweko a kudawa, u taku yini ke, 1 Tes. 5:9

Deuteronome 12:25

U nga wugi kasi u fela ku tshameka khwatsi, ni vanana va wena anzhako ka wena, loku u maha zo lulama mahlweni ka Jehova.

Deuteronome 12:28

Tontlhe timhaka leti nzi ku leletelako u ta ti ingisa ni ku ti maha, kasi wa fela ku tshameka, ni vanana va wena anzhako ka wena kala kupinzuka, loku u maha a zilo zinene lezi zi lulamileko mahlweni ka Jehova Nungungulu wa wena.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13