Mutshawuteli 7:16 - Tshwa Bible

¹⁶ U nga ti mahi loyi a lulamileko ku hunzisa, ge, hambu ku ti maha loyi a tlharihileko ku hunzisa; hakuva u ta ti lovisela yini ke?

Mutshawuteli 7:16 Mawu Ofanana

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Joba 11:12

Za tsanza ka xipumbu ku kuma wutlhari, Kota lezi zi tsanzako ka ximbongolana ku belekiwa na xi hi munhu.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Mavingu 23:4

U nga karatekeli kuva u fuma; nga tsumbi wutlhari ga wena wutsumbu.

Mavingu 25:16

U kumile wulombe ke? Gana lipimo li ku ringanako; nga taku u kolwa ha gona u tlhela u hlata.

Mutshawuteli 12:12

Ni kambe, nwananga, ngha u vumela ku lulekiwa: A ku tsala mabhuku yo tala a ku na magumo, ni kugonza nguvu ku karata miri.

Mateu 23:29

Khombo a give ka nwina vatsali ni vaFarisi, nwina vaxengeteli! Hakuva mu aka minkele ya vaprofeti, mu bombisa a zilahla za vanhu vo lulama,

Mateu 23:38

Langutani, mu ta siyelwa a yindlu ya nwina, na yi hi rumbi.

Mateu 23:5

A mitiro yabye yontlhe va yi maha kasi ku woniwa hi vanhu; hakuva va anamisa a mafilakterio yabye, va lehisa a machakafula ya tinguwo tabye. Mitse. 15:38; Deut. 22:12

Mateu 9:14

Zonake ku lota kakwe a vapizani va Johani, va taku: Hikuyini hina ni vaFarisi hi tala ku yila, kasi a vapizani va wena a va yili? Mar. 2:18; Lu. 5:33

Luka 18:12

Nzi yila kumbiri hi viki, nzi nyika za wukhume ka zontlhe lezi nzi zi kumako.

Va le Roma 10:2

Hakuva nza va mahela wukustumunyu lezaku va pangamela Nungungulu, kanilezi na va nga zi mahi hi kutiva. Joh. 16:2; Xip. 1:17; Fil. 3:9

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

Va le Roma 12:3

Hi kota ya tipswalo leti nzi nyikilweko tona, nza laya munwe ni munwani a nga xikari ka nwina, lezaku a nga dzuki a ti alakanyela hi ku hunza fanelo; kanilezi a alakanya hi ku ti koramisa, hi ku ecanyisa ni lipimo la kukholwa leli Nungungulu a aveleko munwe ni munwani. 1 Kor. 12:7; Efe. 4:7

1 Va le Korinte 3:18

Ngha na munhu a nga ti kanganyisa Loku munwani wa nwina a alakanya lezaku i tlharihile hi wutlhari ga nguva leyi, ngha a maha xipumbu, kasi a fela ku tlhariha.

1 Va le Korinte 3:20

niku: A Hosi ya tiva a maalakanyo ya votlhariha, lezaku a ma nyawuli. Tis. 94:11

Va le Filipi 3:6

Hi tlhelo ga kupinyamela, nzi wa xanisa a bandla; ni tlhelo ga kululama loku ku nga ka nayo nzi wa nga hi na kusoleka. Miti. 8:3; Gal. 1:13

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

Va le Kolosi 2:23

Hakunene lezi zilo zi woneka ku khwatsi wutlhari, loku va khozela hi kuranza kabye, va ti koramisa ni ku xanisa mimiri yabye; kanilezi a zi vuni nchumu a ku tsimbetela a kunavela ka nyama.

1 Timote 4:3

Va tsimbetela a ku tekana, va laya ku kala ku nga giwi zakuga lezi Nungungulu a zi vangeleko lava va kholwako ni lava va tivako zinene, lezaku zi amukelwa hi kubonga. Gen. 9:3; Mav. 18:22; 1 Kor. 8:8; Maheb. 13:4

Kuvululelwa 18:19

Va lo ti palatela tsutsungwani tihlokweni tabye, va hlaluka, va rila, va maha hlomulo, vaku: Yowe, yowe, a muti lowu wa hombe, lowu vontlhe lava va nga ni mataru lomu bimbini va nga fumiswa hi wukosi ga wona! Hakuva hi xitshuketi wu hangalakile nwa! Jox. 7:6; Joba 2:12