Mutshawuteli 6:2 - Tshwa Bible

² a munhu loyi Nungungulu a mu nyikileko wukosi, ni titshomba, ni wudzunzo, laha kaku a nga vumali nchumu lexi a mbilu yakwe yi xi navelako, kanilezi Nungungulu a nga mu nyiki ntamu wa ku ziga, kanilezi zi giwa hi wa matiko; lezo a zi nyawuli, i khombo gi bayisako nguvu. Estere 5:11; Tis. 39:6

Mutshawuteli 6:2 Mawu Ofanana

1 Tihosi 3:13

Tlhatakumbiri, mina nzi ta ku nyika lezi u nga zi kombelangiko, wu nga pfuno, ni wudumo, lezaku cima ku nga tava kona wo kota wena xikari ka tihosi ka wontihe masiku ya wutomi ga wena. Mat. 6:33

1 Kronekele 29:25

Jehova i lo mu tlakusa nguvu Solomoni mahlweni ka vontlhe va ka Israeli, a kulisa kufuma kakwe ku hunza kufuma ka tihosi ta ka Israeli leti ti nga fuma mahlweni kakwe.

1 Kronekele 29:28

I lofa na a khosahele nguvu, na hi ni masiku yo hlaya, na hi ni titshomba, ni wudumo; a nʼwana wakwe Solomoni i lo fuma xikhundleni xakwe.

2 Kronekele 1:11

Nungungulu i te ngalo ka Solomoni: Lezi u nga ni maalakanyo lawa mbilwini ya wena, a ku kombelangi a pfuno ni tshomba, ni wudumo, ni lufo la valala va wena, ge hambu a ku kombela masiku yo hlaya; kanilezi u kombele wutlhari ni kupima, kasi ku lamula a vanhu va mina lava nzi ku yimisileko a kuva hosi hehla kabye.

Tisimu 17:14

Nzi tlhatlhise ka vanhu va misava hi canja ga wena, Jehova, Lava va nga ni xiavelo xabye kuhanyeni loku; Lava u xurisileko hi tshomba ya wena: Va na ni vanana vo tala, Va siyela misalelwa ka vazukulu vabye. Lu. 16:25; Fil. 3:19

Tisimu 39:6

A munhu wa famba a ku fanana ni xiruti, A ti karata mahala; Wa hlengeletela, kanilezi a nga zi tivi lezaku zi ta giwa hi mani. Joba 8:9; 14:2; Mutsa. 2:18, 21

Tisimu 73:7

A mahlo yabye ma nyokovele hi mafura, Va na ni zo tala ku hunza a kunavela ka mbilu. Deut. 32:15; Jer. 5:28

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Mutshawuteli 5:13

Ku kona a kubiha ka hombe nzi ku wonileko lahasi ka gambo, hi lezaku a tshomba yi vekilweko hi nwinyi yi ngava khombo gakwe.

Mutshawuteli 5:16

Kambe kubiha ka hombe, lezaku i tlhelisa lezi a nga tisa zona; i bhinzu muni a nga nago hi ku tirela mheho ke?

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 5:19

Loku Nungungulu a nyikile munhu wukosi ni titshomba, a mu vumela a ku ziga, ni ku ti tekela xiavelo xakwe, ni ku tsakela ntiro wakwe, lexo xinyikiwo xa Nungungulu.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Mikosi 5:2

A tshomba ya hina yi nyikilwe a vamatiko, A tiyindlu ta hina ti le mandleni ya vahleva. Deut. 28:30

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Hosea 7:9

A vamatiko va mhhetile a ntamu wakwe, kanilezi yena nwinyi a nga zi tivi; ina, i mitile wuvu na a nga zi tivi.

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3

Deuteronome 28:43

A muluveli loyi a nga xikari ka wena i ta ti kulisa hehla ka wena nguvunguvu, kanilezi wena u ta relela uya hasi nguvunguvu;

Valamuli 18:10

Loku mu chikela kona, mu ta ya kuma a vanhu lava va nga chaviko nchumu, ni tiko ga hombe; hakuva Nungungulu i gi nyikele ka nwina, a tiko gi nga vumaliko nchumu wa zilo za misava.