Mutshawuteli 6:12 - Tshwa Bible

¹² Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?

Mutshawuteli 6:12 Mawu Ofanana

1 Kronekele 29:15

Hakuva hina hi valuveli ni vaenzi mahlweni ka wena, kota vontlhe vadadani va hina; a masiku ya hina laha misaveni ma fanana ni nzhuti, a ku na kutsumba laha. Levi 25:23; Joba 8:9; Maheb. 11:13

Joba 14:2

Wa mila kukotisa xitsangi, zonake a wuna; Wa nyamalala kukotisa nzhuti, a nga have kona. Maheb. 13:14

Joba 14:21

A vana vakwe loku va kuma wudzunzo, yena a nga zi tivi; Hambu loku va tsongahatiwa, yena a nga va alakanyi.

Joba 8:9

Hakuva hina hi va tolo, a hi tivi nchumu, Hakuva a masiku ya hina laha misaveni me khwatsi i nzhuti.

Tisimu 102:11

A masiku ya mina ma fanana ni nzhuti wa laha gambyeni, Nzi wunile kukotisa byanyi. 1 Ped. 1:24

Tisimu 109:23

Nzi suka khwatsi hi nzhuti wa laha gambyeni, Nzi kukuletwa khwatsi i humbi.

Tisimu 144:4

Munhu o fana ni mhehwana, A masiku yakwe me khwatsi i nzhuti loʼwu hunzako.

Tisimu 16:5

Jehova hi xiavelo xa mina ni gombe ga mina; Hi wena u gongolako a tshomba ya mina.

Tisimu 17:15

A kululameni ka mina nzi ta wona a nghohe ya wena, Loku nzi khindlimuka nzi ta eneliswa hi dzumba ga wena. Mat. 5:8; Joh. 17:24; 1 Kor. 13:12

Tisimu 4:6

Mbanyingi va wulako, vaku: Himani a ta nga hi kombisa leʼzi nga nene? Jehova, hi woningele hi kuwonekela ka nghohe ya wena.

Tisimu 47:4

Wa hi hlawutela a tshomba ya hina, A wukulu ga Jakobe loyi a mu ranzako. (Sela.)

Tisimu 89:47

Alakanya lezaku a xikhati xa mina xi komile, Lezaku vontlhe lava u va vangileko va hatla ku hunza.

Mutshawuteli 10:14

A xipumbu xi anzisa timhaka, kanilezi munhu a nga zi tivi lezi zi ta nga humelela; himani a nga zi kotako ku mu byela lezi zi ta nga kuva kona anzhako kakwe ke?

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 2:3

Nzi lo ehleketa mbilwini ya mina a kuva nzi tsakisa a miri wa mina hi vinya—kanilezi a mbilu ya mina na yi tira hi wutlhari—zinwe ni ku khomisisa wupumbu, kala nzi wona lezi zi sasekelako vana va vanhu, a kuva va maha zona lahasi ka tilo a masiku wontihe ya kuhanya kabye.

Mutshawuteli 3:22

Hikwalaho mina nzi lo wona lezaku zi mu sasekele nguvu munhu lezaku a tsakela mitiro yakwe, hakuva hi xona xiavelo xakwe. Hakuva himani a ta nga mu wuyisa, kasi ku ta wona ni ku tsaka hi lezi zi ta nga humelela nzhako kakwe?

Mutshawuteli 6:11

Na ku woneka lezaku a kuwulawula ko tala ku anzisa za kunganyawuli, a munhu i bhinzula yini ha kona ke?

Mutshawuteli 7:15

Zontlhe lezi nzi zi wonile masikwini ya mina ma nga nyawuliko: i kona munhu a lulamileko a lovako kululameni kakwe, ni munhu wa kubiha a hanyako masiku yo leha kubiheni kakwe.

Mutshawuteli 8:13

Kanilezi a wakubiha cima a nga ta kateka, ge, hambu kuva ni masiku ya ku tala; i ta hunza kukotisa nzhuti, hakuva a nga chavangi Nungungulu.

Mutshawuteli 8:7

A nga tivi lexi xi ta nga humelela; Himani a nga zi kotako ku mu byela lezaku xi ta humelelisa kuyini?

Mutshawuteli 9:6

A liranzo labye, ni livengo labye, ni wukhuxu gabye, zi fuvile; cima a va hi na xiavelo ni ka xihi xilo xi mahiwako lahasi ka gambo.

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Jakobe 4:14

kasi lezo a mu zi tivi za manziko. Xini a wutomi ga nwina ke? Hakuva nwina mu hunguva, leyi yi wonekako xikhatanyana, yi nyamalala. Joba 7:7; Tis. 102:3