Mutshawuteli 5:17 - Tshwa Bible

¹⁷ Ni ka masiku wontihe yakwe i gela munyameni; na a hi ni hlomulo wa hombe, ni kubayiseka ni zanga.

Mutshawuteli 5:17 Mawu Ofanana

Genesisi 3:17

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

1 Tihosi 17:12

Yena i te ngalo kakwe: Nzi hlambanya hi Jehova Nungungulu wa wena a hanyako, a nzi na xibaba ni xitsongwani; nzo va ni mapanyana matsongwani ntsena lomu ka guwana, ni mafurana lomu ka xigutsana. Loku nzi rolile mahlahla lawa mambiri, nzi ta famba nzi ya bhika; loku mina ni mufanyana wa mina hi gile, hi tafa.

2 Tihosi 1:2

Ahazia i lowa hi laha njhaneleni ya yindlu yakwe le xitezi, leyi yi nga wa hi le Samaria; i lo babya. Zonake i lo rumela a mitsumi aku ka yona: Fambani mu ya wutisa ka Baali-Zebuba, a nungungulu wa va le Ekroni, kasi nza fela ku tiva lezaku xana nzi ta hanya ka wubabyi legi.

2 Tihosi 1:6

Vona va te ngalo kakwe: Ku lota munhu a ta tlhangana na hina, aku: Tlhelani mu famba ka hosi ya nwina leyi yi mu rumileko, mu yaku ka yona: Jehova i ngalo: Xana lomu tikweni ga ka Israeli ko va hava Nungungulu, lezi u rumako ku ya wutisa ka Baali-Zebuba a nungungulu wa le Ekroni ke? Hikwalaho cima u nga ta vuka ka legi sango u etleleko ka gona, u tafa.

2 Tihosi 5:27

A hlokonho ya Namani yi ta namarela ka wena ni vana va wena kala kupinzuka. Zonake Gehazi i lo suka mahlweni kakwe na a tele hi hlokonho leyi yi fananako ni gapongo. Ekso. 4:6; Mitse. 12:10

Joba 21:25

Kasi a munwani afa hi hlokiselelo ya muhefemulo wakwe; Na a nga danjhangi hambu litsakwana titsongwani.

Tisimu 102:9

Hakuva nziga khuma wutshanwini ga xibaba, Nza patsa zakunwa za mina ni mihloti,

Tisimu 127:2

A zi mu vuni nchumu ku vinzuka ni mixo, Ni ku pileka ni wusiku ga hombe, Muga zakuga hi kukarateka; Hakuva a muranziwa wakwe i nyikwa za ku tano wurongweni gakwe. Gen. 3:17, 19; Mat. 6:25

Tisimu 39:6

A munhu wa famba a ku fanana ni xiruti, A ti karata mahala; Wa hlengeletela, kanilezi a nga zi tivi lezaku zi ta giwa hi mani. Joba 8:9; 14:2; Mutsa. 2:18, 21

Tisimu 78:33

I lo va tsika, a masiku yabye ma mbhela hi leʼzi nga nyawuliko, Va mbheta malembe yabye hi kuchava.

Mutshawuteli 2:10

Zontlhe lezi zi nga naveliwa hi mahlo ya mina, a nzi ma tsimbetelangi; a nzi alelangi mbilu ya mina ni lihi litsako; hakuva yi wa tsakela ntiro wontihe wa mina; lezo hi zona nzi nga bhinzula ntirweni wontihe wa mina.

Mutshawuteli 2:23

Wontihe masiku yakwe nja kubayiseka, ni ku ti karata kakwe i hlomulo; ina, ni laha wusikwini a mbilu yakwe a yi humuli. Lezo kambe a zi nyawuli, Joba 7:1; 14:1; Xip. 5:16

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 7:14

Tsaka hi siku ga makatekwa, kanilezi a sikwini ga hlomulo alakanya lezaku Nungungulu i mahile ginwe ni ginwani, lezaku munhu a nga ta zi tiva lezi zi ta nga humela anzhako kakwe.

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38