Mutshawuteli 5:11 - Tshwa Bible

¹¹ Loku a tshomba yi anza, ni vagi va yona va anzawu; loku zi hi tano, zi vuna yini a nwinyi wa yona, loku ku nga hi ku yi cuwuka hi mahlo ntsena?

Mutshawuteli 5:11 Mawu Ofanana

Genesisi 12:16

Na Abrama i lo khomiwa khwatsi hi kota ya sati wakwe, na yena i wa hi ni tiyivu ni tihomu, ni vamatsune va timbongola, ni malanza ya xinuna ni ya xisati, ni timbongola ta mikati ni makameli.

Genesisi 13:2

Na Abrama i wa fumile nguvu hi tihomu, ni siliva, ni nzalama.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Mutshawuteli 2:9

Zonake nzi maha wa hombe, nzi hunza vontlhe lava va nga nzi rangele le Jerusalema; ni lezo a wutlhari ga mina gi lo simamisa zinwe na mina.

Mutshawuteli 5:12

A wurongo ga munhu loyi a tirako ga nanziha, hambu loku aga nguvu kutani ku tsongwani; kanilezi a kuxura ka a fumileko a ku mu nyiki wurongo.

Mutshawuteli 6:9

A ku wona hi mahlo ku sasekile ku hunza ku fambiswa hi kunavela. Zonawu lezo a zi nyawuli, ku lanzela mheho ntsena.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Habakuka 2:13

Kasi a hi Jehova wa tiyimpi a nge ngalo: A matiko ma tirela lezi zi ta nga hiswa hi nzilo, ni mifumo yi ti karatela mahala?

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.