Mutshawuteli 4:1 - Tshwa Bible

¹ Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Mutshawuteli 4:1 Mawu Ofanana

Joba 16:4

Na minawu nzi wa ta wulawula kukotisa nwina; Loku mu wa hi wutshanwini ga mina, Nzi wa ta mu tatela timhaka, Nzi mu zivizela hloko ya mina.

Joba 35:9

Kunene va rila loku a zixaniso zi tele, Va kombela ku vuniwa hi kota ya woko ga wahombe,

Joba 6:29

Tlhelani, nza mu kombela, ngha ku ngavi na xigoho; Ina, mu cuwukisisa kululama ka mina.

Joba 9:24

A misava yi nyikilwe canjeni ga va kubiha, Yena wa vala mahlo ya valamuli va yona; Loku ku nga hi yena, himani a nga mahako lezo ke?

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 142:4

Cuwuka reveni ga mina ga xinene u wona lezaku a ku na loyi a nzi tivako. A ku na laha nzi nga chavelako kona, Ku hava munhu a khatalelako muhefemulo wa mina.

Tisimu 142:5

Jehova, nza rila ka wena, Nziku: Wena u wuchavelo ga mina, U xiavelo xa mina laha misaveni ya vahanyako.

Tisimu 42:3

A mihloti ya mina kuga ka mina mumu ni wusiku, Hakuva wontihe masiku va wula ka mina, vaku: I kwihi makunu a Nungungulu wa wena ke?

Tisimu 42:9

Nzi taku ka Nungungulu, a nga ribye ga mina: Hi yini u nzi rivakeleko ke? Hi yini nzi fambako na nzi rila hi kota ya ku tsimbeketwa hi valala ke?

Tisimu 69:20

A kurukiwa ku panzile mbilu ya mina, ya nzi tikela; Nzi cuwukela a kuxanisekelwa, kanilezi a ku kona; Ni vatangalisi, kanilezi a nzi va kumangi.

Tisimu 69:21

Va lo nziha a nyongwa akuva zakuga za mina, Ni ku tima tora ga mina va nzi nwisa vinagre. Mat. 27:34, 48; Lu. 23:36; Joh. 19:29

Tisimu 80:5

Wena u phamele a wuswa ga mihloti, U va nwisa mihloti hi lipimo la hombe.

Eksodusi 1:16

Loku mu tekela wasati wa muHeberu, cuwukani na ha ku beleka, loku a hi mufana dayani; loku a hi nhanyana, mu tsikeni a hanya.

Eksodusi 1:22

Zonake Faro i lo leletela a vanhu vakwe, aku: A vafana vontlhe lava va ta nga belekiwa, va hoxeni congweni; kanilezi a vanhanyana va tsikeni va hanya. Miti. 7:19

Mavingu 19:7

A xisiwana xi vengiwa hi vontlhe vanakulobye; vanghana vakwe va fambela kule kakwe: a va khongotela, kanilezi vo ti sukela.

Mavingu 28:3

A muvumali loyi a tsimbeketako a zisiwana fanana ni vula leyi yi kukuletako yi nga siyi ni zakuga.

Mavingu 29:2

Loku a va kululama va anza, a tiko ga tsaka; anilezi loku a wa kubiha a fuma a tiko ga rila.

Mutshawuteli 3:16

Tlhatakumbiri, nzi lo wona lahasi ka gambo lezaku ku kona kubiha xitshanwini xa kulamula, ni wutshanwini ga kululama kugoha ku kona.

Mutshawuteli 5:8

Loku u wona kutsimbeketwa ka zisiwana ni kuhambunyetwa ka milayo lomu tikweni, lezo ngha zi nga ku hlamalisi; hakuva loyi a tlakukileko wa cuwukiwa hi loyi a mu hunzako, ni hehla ka vona vontlhe ku na ni vanwani va tlakukileko nguvu.

Mutshawuteli 7:7

Hizinene, a kutsimbeketwa ku hungukisa vatlharihileko; a xinyikiwo xi goha mbilu ya munhu.

Mutshawuteli 8:9

Zontlhe lezo nzi zi wonile laha nzi nga ehleketa hi yontlhe mitiro leyi yi mahiwako lahasi ka gambo, a xikhatini lexi munwe a fumela munwani a mu yisa khombyeni.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 51:23

Kanilezi nzi ta yi veka mandleni ya vaxanisi va wena, Lava va teku ka wena: Korama, hi hunza; Zonake a hlana wa wena u wu maha a kuva misava, U ku khwatsi u ndlela ka vahunzi.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Jeremia 16:7

Kambe a nga kona a to phameliwa wuswa ga xirilo, kasi ku mu miyeta hi kota ya ku felwa; kambe a nga ta hiwa a gombe go mu chavelela hi kota ya raru wakwe kutani nyine wakwe.

Mikosi 1:16

Hi lezi zi nzi rilisako, mahlo ya mina ma halaka mihloti; Hakuva a muchaveleli loyi a nga te ngha a vuxa moya wa mina i le kule. A vana va mina va le kuxanisekeni hakuva a nala i hlulile.

Mikosi 1:17

Zioni i nawulutile a mawoko yakwe, a nga kona a mu chavelelako; Jehova i leletela a valala va Jakobe lezaku va mu renzelekela xikari; Jerusalema i hunzukile manyalataniso ka vona.

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Amosi 3:10

A ku maha kululama a va zi tivi, ku wula Jehova, va hlengeletela ziluvelweni zabye a zilo lezi va zi phangileko hi kanu ni mubango.

Amosi 3:9

Banani nyiwo lomu ziluvelweni za le Axdode, ni lomu ziluvelweni za tiko ga Gipite, muku: Tsombanani le xitsungeni za Samaria, mu ta wona a pfilupfilu ya hombe yi nga kona lomo, ni hlokiseielo yi nga xikari ka gona.

Malaki 2:13

A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 26:56

Kanilezi zontlhe lezi zi maheka, kasi ku fela ku tatiseka a mitsalo ya vaprofeti. Zonake a vapizani vontlhe va lo mu siya, va tsutsuma. Jesu a lamuliwa hi mupristi wa hombe.

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3

Deuteronome 28:48

Na wena u ta khozela valala va wena lava Jehova a ta nga va rumela ku ta ku vukela, na u hi ni ndlala ni tora, ni wuna, ni ku vumala zilo zontlhe; na yena i ta khoneka muyoko wa xiketse lomu nhanwini ya wena, U kala u lobyiswa hi yena.

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Valamuli 4:3

Zonake a vanana va ka Israeli va lo rila ka Jehova, hakuva Sisera i wa hi ni 900 wa tikareta ta ziketse. A 20 wa malembe i lo tsimbeketa a vanana va ka Israeli hi ntamu.