Mutshawuteli 3:21 - Tshwa Bible

²¹ Himani a tivako loku a moya wa vana va vanhu wuya hehla, ni loku a moya wa zihari zi relela lahasi misaveni?

Mutshawuteli 3:21 Mawu Ofanana

Joba 14:10

Kanilezi loku a munhu afa, i mbhelelwa hi ntamu; Ina, loku a nyikela moya wakwe, a ngava kwihi ke?

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Johani 14:3

Hambu loku nzi famba nzi ya mu longisela wutshamu, nzi ta wuya kambe, nzi ta mu teka muta ka mina; kasi laha nzi nga kona, mu fela kuva kona na nwinawu. Miti. 1:11; 1 Tes. 4:17

Mitiro 1:25

lezaku a teka xikhundla ntirweni lowu, ni wupostoli legi Judasi a pfhukileko ka gona, a sungwa hi kuya wutshanwini gakwe.

2 Va le Korinte 5:1

Hakuva ha zi tiva lezaku loku wu hahluka a xaxa wa miri wa hina, yi nga yindlu ya hina ya misava, hi na ni yindlu leyi yi akilweko hi Nungungulu, leyi yi nga akiwangiko hi mandla, ya pinzukelwa le tilweni. Fil. 3:21; Maheb. 11:10; 2 Ped. 1:13

2 Va le Korinte 5:8

Nzi ngalo: Hi tiyilehlana, na hi ranza a kuva hi rura a mirini, hi ya tshama kaya zinwe ni Hosi. Fil. 1:23

Deuteronome 28:13

Jehova i ta ku yimisa a kuva hloko, na u nga hi nkila; wena u tava le hehla, na u nga hi lahasi, loku wena u ingisa a milayo ya Jehova Nungungulu wa wena, leyi rizi ku leletelako inyamutlha, a ku yi hlayisa ni ku yi maha;

Va le Filipi 1:23

Hakuva nzi kokiwa hi matlhelo mambiri; nzi navela ku suka nzi ya tshama na Kristu, hakuva zi sasekile nguvu; 2 Kor. 5:8; 2 Tim. 4:6