Mutshawuteli 3:12 - Tshwa Bible

¹² Nza zi tiva lezaku lezi zi va sasekelako nguvu hi ku ti tsakela ni ku tshameka khwatsi kuhanyeni kabye.

Mutshawuteli 3:12 Mawu Ofanana

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 2:3

Nzi lo ehleketa mbilwini ya mina a kuva nzi tsakisa a miri wa mina hi vinya—kanilezi a mbilu ya mina na yi tira hi wutlhari—zinwe ni ku khomisisa wupumbu, kala nzi wona lezi zi sasekelako vana va vanhu, a kuva va maha zona lahasi ka tilo a masiku wontihe ya kuhanya kabye.

Mutshawuteli 3:22

Hikwalaho mina nzi lo wona lezaku zi mu sasekele nguvu munhu lezaku a tsakela mitiro yakwe, hakuva hi xona xiavelo xakwe. Hakuva himani a ta nga mu wuyisa, kasi ku ta wona ni ku tsaka hi lezi zi ta nga humelela nzhako kakwe?

Mutshawuteli 8:15

Zonake nzi lo dzunza litsako, hakuva munhu a nga na xilo xa chukwana lahasi ka gambo ku hunza lezaku aga, anwa, a tsaka, hakuva hi lexo a xi bhinzuleko hi ntiro wa masiku lawa Nungungulu a mu nyikileko lahasi ka gambo.

Isaya 64:5

Wa tlhangaveta lava va tsakako ku maha kululama, Lava va ku alakanyako tindleleni ta wena: Languta, u wa zangara hakuva hi ku onhele; Zi wa hi tano ni kale, hi ta hanyiswa ke?

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Mitiro 20:35

Hi zilo zontlhe nzi lo mu kombisa, lezaku hi ku tira lezo mu yimelwe hi ku vunetela lava va nga ni gome, ni ku alakanya a timhaka ta Hosi Jesu, leti yena wutsumbu a nga wula, aku: Ku katekile ku nyika ku hunza ku nyikiwa. Rom. 15:1; 1 Kor. 9:12; Efe. 4:28

Deuteronome 12:18

Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Deuteronome 26:11

U ti tsakela zinwe ni muLevi, ni muluveli loyi a ta ngava xikari ka wena, u ti tsakela hi wontihe malongo lawa Jehova Nungungulu wa wena a ku nyikileko wona zinwe ni ngango wa wena.

Deuteronome 28:63

Khwatsi hi lezi Jehova a tsakako hi ku mu katekisa a mu enzelekisa, zinghaho kambe Jehova i ta tsaka hi ku mu lovisa ni ku mu mbhetisa; na nwina mu ta hlomulwa lomu tikweni lego mu yako ku ya gi fumela.

1 Timote 6:18

Va laye lezaku va maha zo saseka, va fuma hi mitiro yi nene, va ranza ku avela vanwani a zilo zabye, va hana;