Mutshawuteli 2:23 - Tshwa Bible

²³ Wontihe masiku yakwe nja kubayiseka, ni ku ti karata kakwe i hlomulo; ina, ni laha wusikwini a mbilu yakwe a yi humuli. Lezo kambe a zi nyawuli, Joba 7:1; 14:1; Xip. 5:16

Mutshawuteli 2:23 Mawu Ofanana

Genesisi 3:17

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

Estere 6:1

Wusikwini gwalego a hosi a yi kumangi wurongo; i lo vitanisa a bhuku ga matimu gi ta gonziwa mahlweni ka hosi.

Joba 14:1

A munhu loyi a pswelweko hi wasati, A masiku yakwe matsongwani, na tele hi zikarato.

Joba 5:7

Kanilezi a munhu i belekelwa zikarato, Kukotisa tihlahle ti hahako hehla.

Tisimu 127:2

A zi mu vuni nchumu ku vinzuka ni mixo, Ni ku pileka ni wusiku ga hombe, Muga zakuga hi kukarateka; Hakuva a muranziwa wakwe i nyikwa za ku tano wurongweni gakwe. Gen. 3:17, 19; Mat. 6:25

Tisimu 32:4

Hakuva a mumu ni wusiku a canja ga wena gi wa binzile hehla ka mina; A nzhongo wa mina wu lo womiswa ku fana ni kuvalela ka ximumu. (Sela.)

Tisimu 90:15

Hi mahe hi tsaka ku ringana ni masiku lawa u nga hi xanisa, Ni malembe lawa hi nga wona a hlomulo.

Mutshawuteli 1:13

Nzi lo nyiketela a mbilu ya mina a ku hlotisisa hi wutlhari a zilo zontlhe lezi zi mahiwako lahasi ka tilo; i ntiro wo bayisa lowu Nungungulu a wu nyikileko ka vanana va vanhu lezaku va ti karata ha wona. 1 Tih. 4:29

Mutshawuteli 1:18

Hakuva laha wutlhari ga hombe gi nga kona, a zikarato zo tala zi kona; Loyi a anzisako wutivi gakwe i anzisa kubayiseka.

Mutshawuteli 2:11

Kanilezi laha nzi nga cuwukisa mitiro leyi a mandla ya mina ma yi mahileko, nzi alakanya a kukarateka loku nzi nga hi nako loku nzi yi maha, languta, zontlhe zi wa nga nyawuli, zi wa hi ku lanza mheho ntsena; ku wa nga hi na bhinzu lahasi ka gambo.

Mutshawuteli 5:12

A wurongo ga munhu loyi a tirako ga nanziha, hambu loku aga nguvu kutani ku tsongwani; kanilezi a kuxura ka a fumileko a ku mu nyiki wurongo.

Mutshawuteli 5:17

Ni ka masiku wontihe yakwe i gela munyameni; na a hi ni hlomulo wa hombe, ni kubayiseka ni zanga.

Mutshawuteli 8:16

Laha nzi nga nyiketela mbilu ya mina ku tiva wutlhari, ni ku wona mitiro leyi yi mahiwako laha misaveni, lezaku vanwani va nga kumi wurongo hlikanhi ni wusiku,

Danieli 6:18

Zonake a hosi yi lo tlhela ziluvelweni xa yona, yiya mbheta wusiku gontlhe na yi yila; a ku na nga yiswa vavasati mahlweni ka yona, ni wurongo yi wa nga gi kumi.

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17