Mutshawuteli 2:21 - Tshwa Bible

²¹ Hakuva hambu loku munhu a mahile a ntiro wakwe hi wutlhari ni wutivi ni kupinyama, i ta wu siyela munhu loyi a kalako a nga ti karatangi nchumu. Lezo na zonawu a zi nyawuli, kambe zi bihile nguvu.

Mutshawuteli 2:21 Mawu Ofanana

2 Kronekele 34:2

I lo maha kululama mahlweni ka Jehova, a famba hi tindlela ta dadani wakwe Davida, a nga humangi ka tona aya xibhabheni ge hambu xineneni.

2 Kronekele 35:18

Kusukela masikwini ya muprofeti Samueli cima a ku mahiwangi a Pasika go fanana ni lego lomu tikweni ga va ka Israeli; hambu lomu xikari ka tihosi ta ka Israeli, a ku na ngava ni yinwe hosi leyi yi nga maha a Pasika go fanana ni legi Josia ni vapristi ni vaLevi va gi mahileko, zinwe ni vaJuda ni vontlhe va ka Israeli lava va nga wa hi kona zinwe ni vanhu va le Jerusalema.

Tisimu 39:7

Makunu, Hosi, nza ha rinzela yi ni ke? A kutsumba ka mina ku le ka wena.

Tisimu 49:10

Hakuva wa wona a titlhari na tifa, A zipumbu ni zigwela zi lova zinwe, Va siya titshomba tabye ka vanwani. Mutsa. 2:16, 18; Jer. 17:11

Tisimu 49:11

Va alakanya lezaku a tiyindlu tabye ti ta yima tiku tseka, Ni wuakelo gabye ka zizukulwana ni zizukulwana; Va vitana a matiko hi mavito yabye.

Mutshawuteli 2:20

Lezo a mbilu ya mina yi lo sangula ku mbhela ntamu hi ntiro lowu nzi nga ti karatileko ha wona lahasi ka gambo.

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Mutshawuteli 9:18

A wutlhari ga vuna ku hunza matlhari, kanilezi a muonhi munwe wa onha wunene ginyingi.

Jeremia 22:15

Xana u ta fuma hilezi u ti tsitsiritako ntirweni wa tisedari ke? A raru wa wena i gile ni kunwa, Kanilezi i lo lamula hi nongameto ni fanelo, I lo humelela hi kota ya lezo. 2 Tih. 22:2

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.