Mutshawuteli 2:14 - Tshwa Bible

¹⁴ A tlhari yi nani mahlo hlokweni yakwe, kanilezi a xipumbu xi famba munyameni; ahemba lezoke, nzi lo kuma lezaku hi wumbiri gabye va humelelwa hi xilo xinwe. Mav. 14:33; 15:7

Mutshawuteli 2:14 Mawu Ofanana

Tisimu 19:10

Zi na ni lisima ku hunza nzalama, ina, a ku hunza nzalama yo tala yi hlutilweko, Zi tsombela ku hunza wulombe, ni madona ya zihahla za gona.

Tisimu 49:10

Hakuva wa wona a titlhari na tifa, A zipumbu ni zigwela zi lova zinwe, Va siya titshomba tabye ka vanwani. Mutsa. 2:16, 18; Jer. 17:11

Tisimu 49:11

Va alakanya lezaku a tiyindlu tabye ti ta yima tiku tseka, Ni wuakelo gabye ka zizukulwana ni zizukulwana; Va vitana a matiko hi mavito yabye.

Mavingu 14:8

A wutlhari ga loyi a tlharihileko hi ku tivisisa a ndlela yakwe; anilezi a wupumbu ga zipumbu hi khohlakalo. Efe. 5:15

Mavingu 17:24

Loyi a nga ni kupimisisa i cuwukela wutlhari; anilezi a mahlo ya xipumbu ma le magumelweni ya misava.

Mutshawuteli 2:16

Hakuva a tlhari ni xipumbu, hi wumbiri gabye a va alakanyiwi kala kupinzuka; a ka zikhati za ha tako zontlhe zi ta rivaliwa. A tlhari yifa kota xipumbu!

Mutshawuteli 3:19

Hakuva a xiavelo xa vana va vanhu xa fana ni lexi xa zihari, xiavelo xinwe. Kota lezi munhu a fako, ni xihari xa fawo; i moya munwe wu nga kona ka yena ni ka xona. Hikwalaho a munhu a nga hunzi xihari; hakuva zontlhe a zi nyawuli.

Mutshawuteli 6:6

Ina, hambu loku a nga hanya 2,000 wa malembe, na a nga woni kusaseka—vontlhe a vayi wutshamu ginwe ke?

Mutshawuteli 6:8

A tlhari yi hunza xipumbu hi yini ke? A xisiwana lexi xi tivako ku ti fambela mahlweni ka vahanyako xi vuneka hi yini ke?

Mutshawuteli 7:2

I chukwana kuya ndlwini ya xirilo ku hunza a kuya ndlwini ya mubuzo; hakuva lawo hi wona magumo ya vontlhe vanhu; ni munhu loyi a hanyako i fanele ku ehleketa ha kona.

Mutshawuteli 8:1

Himani a fananako ni tlhari? Himani loye a zi kotako ku tlhamusela mhaka ke? A wutlhari ga munhu gi maha nghohe yakwe yi ngangamela, Ku zunya ka nghohe yakwe ku hunzulwa.

Mutshawuteli 9:11

Nzi lo tlhela nzi wona lahasi ka gambo lezaku a kupalisaneni, a xitsutsumi a xi dawuli, a nhenha a yi hluli yimpini, a zakuga a zi lumbi lava vo tlhariha, a wukosi a hi ga lava va kupima, ni kudzunziwa a hi ka titlhari; hakuva vontlhe va chikelelwa hi xikhati, zi dzuka zi va humela.

Mutshawuteli 9:16

Zonake nzi te ngalo: A wutlhari gi nene ku hunza ntamu; ahembaloko, a wutlhari ga xisiwana ga kanyisiwa, ni timhaka takwe a ti ingisiwi hi munhu.

1 Johani 2:11

Kanilezi loyi a vengako makabye wakwe i le munyameni, i famba munyameni, a nga ku tivi laha a yako kona, hakuva a munyama wu dele a mahlo yakwe. Joh. 12:35